Himnesk kjúklingasúpa með ferskjum

 

Í gær fékk ég í hendurnar nýjasta Gestgjafann þar sem meðal annars er þáttur eftir litlu mig. Mér þótti mikill heiður að vera beðin um að gera þrjár síður fyrir blaðið og hafði æðislega gaman af. Það var mjög spennandi að fá Gestgjafann í hendurnar í gær og ég ætlaði varla að þora að opna hann. Í blaðinu gef ég fljótlegar uppskriftir fyrir saumaklúbbinn sem eru allar mjög góðar og ég get lofað því að ykkur á eftir að þykja súkkulaðikakan með kókosnum æðislega góð. Drífið ykkur nú og kaupið blaðið, það er stútfullt af girnilegum uppskriftum.

Ég var að fara í gegnum myndirnar í tölvunni og rakst þá á þessar myndir af kjúklingasúpu sem ég gerði fyrir nokkrum vikum og átti alltaf eftir að setja inn. Ég skil ekki hvernig það gat gerst því ég elska þessa súpu.

Uppskriftin kemur frá Beggu frænku minni og þegar hún bauð mér í súpuna í fyrsta sinn þá kolféll ég fyrir henni og varð ekki róleg fyrr en hún var búin að gefa mér uppskriftina. Súpan er ekki síðri daginn eftir og því sniðugt að bjóða upp á hana í afmælum eða saumaklúbbum og geta þá undirbúið hana deginum áður.

Kjúklingasúpa með ferskjum

  • 1 stór laukur (smátt saxaður)
  • smjör
  • 3-4 tsk karrýmauk (ég nota  Pataka´s mild curry paste, coriander & cumin)
  • 4 hvítlauksrif, pressuð
  • 1 ½  dós niðursoðnir tómatar
  • 5 dl kjúklingasoð (vatn og 2 kjúklingateningar)
  • 1 lítil dós tómatpuré
  • 1/2 líter rjómi
  • 1 stór dós niðursoðnar ferskjur
  • 3 kjúklingabringur.

Bræðið smjör og karrýmauk í potti og bætið lauknum í. Látið laukinn mýkjast við vægan hita. Bætið tómötum, tómatpuré, kjúklingasoði, hvítlauk og rjóma saman við og látið sjóða við vægan hita í ca 10 mínútur.

Skerið ferskjurnar smátt niður og bætið út í ásamt safanum. Látið sjóða áfram í aðrar 10 mínútur.

Skerið kjúklingabringurnar smátt og steikið á pönnu upp úr smjöri. Saltið með maldonsalti. Bætið kjúklingabitunum út í súpuna og látið hana sjóða í 5 mínútur til viðbótar.

20 thoughts on “Himnesk kjúklingasúpa með ferskjum

  1. Rakst á síðuna nýlega og er búin að vera að skoða, allt saman mjög girnilegt.
    Fer að sjálfsögðu og kaupi Gestgjafann, sjáum svo til hvað ég geri ;).
    Guðrún Inga

  2. Vá spennandi! Nú þarf ég að kaupa Gestagjafann! Eins gott að þú ert með næsta saumó, við gerum auðvitað ráð fyrir að fá allar þessar ljúffengu klúbbauppskriftir eftir þig sem eru í blaðinu! :) Hef einmitt fengið þessa súpu hjá þér í saumó, hún er rosalega góð! :) kram, Dröfn

  3. Pingback: Hindberjabaka með hvítu súkkulaði og möndluflögum | Ljúfmeti og lekkerheit

  4. Pingback: Vinsælustu uppskriftir ársins | Ljúfmeti og lekkerheit

  5. Pingback: Fræhrökkbrauð | Ljúfmeti og lekkerheit

    • Bestu þakkir Lilja. Ég hef bara snittubrauð með þessari súpu (kaupi frosin sem ég hita rétt áður en ég ber súpuna fram). Hvet þig til að prufa súpuna, hún er í sérlegu uppáhaldi hjá mér :)
      Kveðja, Svava.

  6. Ok ákvað að skella í kryddbrauðin með ostinum ofan á frá þér :) Er með afmælisboð á laugardaginn og hef það á tilfinningunni að þetta eigi eftir að slá rækilega í gegn :)

  7. Pingback: Vikumatseðill | Ljúfmeti og lekkerheit

  8. Sæl Svava

    Ég vil byrja á því að þakka þér fyrir að hafa hjálpað mér mikið í eldhúsinu með góðum uppskriftun og hugmyndum :) Hef mikinn áhuga á því að elda þessa súpu en getur þú sagt mér hvar ég fæ Pataka´s mild curry paste, coriander & cumin?

    Kær kveðja Ragnheiður

  9. Pingback: Vikumatseðill | Ljúfmeti og lekkerheit

Færðu inn athugasemd

Fill in your details below or click an icon to log in:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Connecting to %s