Steikt brauð með eggi, tómatsósu og bökuðum baunum

 

Steikt brauð með eggi, tómatsósu og bökuðum baunum

Við erum enn á Akureyri og njótum þess til hins ýtrasta. Í morgun fóru strákarnir með nágrannakrökkunum í sund og þegar þeir komu heim keyrðum við á Kaffi Kú sem er hér í Eyjafirðinum. Ef þið eigið leið hér framhjá með krakka þá mæli ég hiklaust með viðkomu þar. Kaffihúsið er staðsett yfir fjósi og á meðan við gæddum okkur á nýbökuðum vöfflum og heitu súkkulaði var hægt að fylgjast með því sem gerðist í fjósinu. Eftir kaffið fórum við síðan niður í fjósið þar sem strákarnir hefðu vel getað eytt því sem eftir er af sumrinu.

Steikt brauð með eggi, tómatsósu og bökuðum baunumSteikt brauð með eggi, tómatsósu og bökuðum baunum

Mér datt í hug að setja hér hugmynd að fljótlegri máltíð sem ég gríp stundum til þegar strákarnir eru svangir og allt þarf að gerast í einum hvelli. Nú er ég ekki að koma með neina spennandi uppskrift heldur einfaldlega að minna á það sem flestir hafa eflaust gert, steikt brauð með eggi, tómatsósu og bökuðum baunum. Þetta er alltaf jafn gott og krakkarnir fá ekki nóg af þessu. Frábært að grípa til hvort sem er í hádegisverð eða þegar enginn hefur tíma til að elda kvöldverð.

Steikt brauð með eggi, tómatsósu og bökuðum baunum

Steikt brauð með eggi, tómatsósu og bökuðum baunum

  • samlokubrauðsneiðar
  • egg
  • bakaðar baunir

Hitið smjör á pönnu. Skerið hring sem er á stærð við eggjarauðu úr miðju brauðsneiðarinnar. Setjið brauðsneiðina á pönnuna og brjótið eggið yfir þannig að eggjarauðan lendi í holunni. Steikið á báðum hliðum og berið fram með tómatsósu og bökuðum baunum (ég hita þær alltaf aðeins í örbylgjuofninum).

Steikt brauð með eggi, tómatsósu og bökuðum baunum

Allt hráefni í þessa uppskrift fæst í

HAGKAUP

BBQ-hamborgarar með karamelluhúðuðum rauðlauk og hvítmygluosti

BBQ-Hamborgarar með karamelluhúðuðum rauðlauk og hvítmygluostiVið erum búin að eyða helginni á Akureyri í dásamlegri veðurblíðu. Hér er alltaf jafn yndislegt að vera og krakkarnir eru í skýjunum enda ekki annað hægt þegar farið er tvisvar á dag í Brynjuís og kvöldunum eytt í Eymundsson yfir heitu súkkulaði, tímaritum og brandarabókum (sjálf held ég mér við matreiðslubækurnar en nýt góðs af upplestri af bestu bröndurunum undir kítlandi hlátri bræðranna). Það er óhætt að segja að við njótum til hins ýtrasta að vera í fríi saman.

BBQ-Hamborgarar með karamelluhúðuðum rauðlauk og hvítmygluostiBBQ-Hamborgarar með karamelluhúðuðum rauðlauk og hvítmygluostiBBQ-Hamborgarar með karamelluhúðuðum rauðlauk og hvítmygluostiBBQ-Hamborgarar með karamelluhúðuðum rauðlauk og hvítmygluosti

Mér skilst að það eigi að vera fínasta veður víðsvegar um landið í dag en svo taki rigningin við á morgun. Það er því um að gera að draga grillið fram fyrir kvöldið og gera vel við sig. Ég mæli svo sannarlega með að þessir dásamlegu hamborgarar lendi á grillinu í kvöld. Þeir eru svo brjálæðislega góðir og bornir fram með þessum ofnbökuðum kartöfluhelmingum verður veislan seint toppuð.

BBQ-Hamborgarar með karamelluhúðuðum rauðlauk og hvítmygluostiBBQ-Hamborgarar með karamelluhúðuðum rauðlauk og hvítmygluosti

BBQ-hamborgarar með karamelluhúðuðum rauðlauk og hvítmygluosti (5 hamborgarar)

  • 2 rauðlaukar
  • 2 msk smjör
  • 1 tsk púðursykur
  • 600 g nautahakk
  • ½ dl Hunt´s Honey Mustard BBQ Sauce
  • 1 msk estragon
  • salt
  • pipar
  • hvítmygluostur

Smjör er brætt á pönnu við miðlungsháan hita. Hökkuðum rauðlauk er bætt á pönnuna og látinn malla í smjörinu í 10 mínútur. Púðursykri er þá bætt á pönnuna og látið malla áfram í 10 mínútur. Á meðan er hrært reglulega í lauknum. Ef laukurinn dökknar of hratt þá er hitinn lækkaður.

Nautahakk, estragon, Hunt´s Honey Mustard BBQ Sauce, salt og pipar er blandað saman og mótaðir 5 hamborgarar. Hamborgararnir eru grillaðir á lokuðu grilli í um 3 mínútur, þá er þeim snúið við og ostasneiðar lagðar ofan á. Grillinu er lokað aftur og hamborgararnir grillaðir áfram í um 6 mínútur. Undir lokin eru hamborgarabrauðum bætt á grillið og þau hituð.

Hamborgararnir eru bornir fram með karamelluhúðaða rauðlauknum, salati, góðri hamborgarasósu og jafnvel líka beikoni og avokadó.

 Allt hráefni í þessa uppskrift fæst í

HAGKAUP

Tælensk núðlusúpa með kjúklingi og sætum kartöflum

Tælensk núðlusúpa með kjúklingi og sætum kartöflum

Ég veit ekki um neinn sem er jafn hrifinn af núðlusúpum og Jakob. Hann gæti lifað á þeim. Ég er því alltaf á höttunum eftir góðum núðlusúpuuppskriftum og þegar ég rakst á þessa tælensku núðlusúpu á Pinterest um daginn var ég fljót prófa hana.

Tælensk núðlusúpa með kjúklingi og sætum kartöflum

Núðlusúpan var æðisleg! Hún var bragðmikil en ekki sterk, hnetusmjörið gaf gott bragð án þess að vera yfirgnæfandi og fór stórvel með karrýmaukinu. Kóriander og salthnetur settu síðan punktinn yfir i-ið. Útkoman var einstaklega ljúffeng súpa sem sló í gegn við matarborðið. Það eina sem ég vil benda á er að freistast ekki til að setja allan núðlupakkann út í súpuna því þá breytist hún í núðlurétt þegar hún kólnar.

Þessa súpu tekur enga stund að útbúa og hún er því fullkominn föstudagsmatur!

Tælensk núðlusúpa með kjúklingi og sætum kartöflum

Tælensk núðlusúpa með kjúklingi og sætum kartöflum (uppskrift fyrir 4-5)

  • 1 dós kókosmjólk
  • 1/4 bolli rautt karrýmauk (red curry paste). Ég notaði frá Blue dragon.
  • 4 bollar vatn
  • 2 kjúklingateningar
  • 450 g kjúklingabringur eða -lundir, skornar í bita
  • 1 bolli sæt kartafla, afhýdd og skorin í teninga
  • 1/3 bolli hnetusmjör
  • 1 msk tamarind sósa eða 1/4 bolli limesafi
  • 2 msk fiskisósa (fish sauce) eða sojasósa
  • 2 msk púðursykur
  • 1/2 tsk turmerik
  • 1 rauð paprika, skorin í þunnar sneiðar
  • 160 g núðlur (rice noodles)
  • 2 bollar baunaspírur
  • 1/4 bolli ferskt kóriander
  • 1/4 bolli salthnetur
  • vorlaukur, sneiddur

Hitið þykka hlutann sem er efst í kókosmjólkurdósinni í rúmgóðum potti yfir miðlungsháum hita. Bætið karrýmaukinu saman við og látið sjóða saman í um mínútu. Bætið því sem eftir er í kókosmjólkurdósinni saman við ásamt vatni, kjúklingateningum, sætum kartöfluteningum, hnetusmjöri, tamarind sósu, fiskisósu, púðursykri og turmerik. Látið suðuna koma upp, lækkið hitann og látið sjóða við vægan hita þar til kjúklingurinn er fulleldaður og sætu kartöflurnar mjúkar. Það tekur um 7-10 mínútur, eftir því hvað bitarnir eru stórir. Bætið papriku og núðlum í pottinn og sjóðið þar til núðlurnar eru mjúkar, það tekur um 5 mínútur. Bætið baunaspírum saman við og takið síðan af hitanum.

Berið núðlusúpuna fram með kóriander, hökkuðum salthnetum og vorlauki.

 Allt hráefni í þessa uppskrift fæst í

HAGKAUP

Skinkuhorn og hvítlaukssósa

Skinkuhorn

Ég verð að viðurkenna að mér þykir æðislegt að fá svona rigningar- og rokdag í sumarfríinu. Það býður upp á kósýdag hér heima án nokkurs samviskubits. Ef sólin hefði skinið hefði ég til dæmis aldrei bakað skinkuhorn og borðað yfir 4 þáttum af Orange is the new black um hábjartan dag. Ég hefði ekki haft móral í það. En það var brjálæðislega notalegt að kúra saman í sjónvarpssófanum með nýbökuð skinkuhornin og heyra í rigningunni fyrir utan.

Í gær var veðrið hins vegar gott og við fórum í langan göngutúr yfir daginn og um kvöldið fórum við niður í Laugardal að fylgjast með Gunnari hlaupa í miðnæturhlaupinu. Það voru ekki margir við endalínuna en Jakob fann stól og kom sér vel fyrir.

Skinkuhorn

Gunnar hefur hlupið svo lítið undanfarnar vikur og enda verið með hálsbólgu og kvef allan mánuðinn. Hann ákvað því að skrá sig í 5 km í staðin fyrir 10 km eins og hann er vanur. Hann stóð sig vel þrátt fyrir kvefið og kom í mark á 25.45 mínútum.

Skinkuhorn

Þessi skinkuhorn eru æðisleg og við kláruðum þau upp til agna á svipstundu. Þau gjörsamlega hurfu af diskinum. Mér þykir gott að dýfa þeim í hvítlaukssósuna en það má auðvitað sleppa henni. Mér þykir bara allt aðeins betra með sósu! Eins þykir mér gott að hafa bragðmikinn ost í fyllingunni en hér má leika sér eftir smekk og stuði.

Skinkuhorn

Skinkuhorn

  • 2 dl vatn
  • 2 tsk þurrger
  • 5-6 dl hveiti
  • ½ tsk sykur
  • ½ dl braðdauf olía (ekki ólívuolía)
  • 1 tsk salt

Fylling að eigin vali. Ég nota góða skinku, brie og rifinn sterkan gouda.

Hitið vatnið í sirka 37 gráður. Blandið geri, vatni og sykri saman í skál, setjið viskastykki yfir og látið standa í nokkrar mínútur eða þar til blandan fer að freyða. Bætið hveiti, olíu og salti saman við og hnoðið saman í deig. Ég hnoða deigið vel saman (3-5 mínútur með hnoðaranum í hrærivélinni). Látið deigið hefast í 30 mínútur (ég læt það hefast í ofninum við 40° án blásturs).

Skinkuhorn

Skiptið deiginu í tvennt. Fletjið út eins og pizzur og skerið í 8 sneiðar. Leggið fyllingu á hverja sneið, rúllið upp, leggið á smjörpappírsklædda böknarplötu, penslið með upphrærðu eggi og stráið sesamfræjum yfir. Bakið við 200° í 10-15 mínútur.

Skinkuhorn

Hvítlaukssósa:

  • 1 dl sýrður rjómi (feitur, helst þessi nýji sem er 34%)
  • 2 msk majónes (ég nota Hellmann´s)
  • 1 fínhakkað hvítlauksrif
  • smá salt

Öllu hrært saman og látið standa í ísskáp.

Allt hráefni í þessa uppskrift fæst í

HAGKAUP

Ljúfmeti og lekkerheit 2 ára og dásamleg sítrónukaka með hindberjum og pistasíuhnetum

Dásamleg sítrónukaka með hindberjum og pistasíuhnetum

Ég veit að það er mánudagur en ég bakaði köku í tilefni dagsins og taldi mig hafa góða ástæðu til. Bloggið mitt er 2 ára í dag. Tveggja ára! Ef það gefur ekki tilefni til að baka köku þá veit ég ekki hvað.

Dásamleg sítrónukaka með hindberjum og pistasíuhnetum

Bloggið er eitt skemmtilegasta áhugamál sem ég hef á ævinni haft. Ég eyði helst öllum lausum stundum í það, þó það sjáist kannski ekki hér. Að lesa uppskriftir, plana matseðla, prófa mig áfram, misheppnast, heppnast, skrifa niður uppskriftir, taka myndir… allt tekur þetta sinn tíma og ég hef ánægju af þessu öllu. Meira en það, ég elska þetta. Fyrir utan bloggið er ég í fullu starfi og með þrjú börn, það er því líf og fjör alla daga vikunnar sem veldur því að suma daga gefst einfaldlega ekki tími til að sinna blogginu og mér þykir alltaf jafn leiðinlegt þegar svo er.

Dásamleg sítrónukaka með hindberjum og pistasíuhnetum

Bloggið væri ekkert án ykkar og það gleður mig inn að hjartarótum hvað þið eruð mörg sem kíkið hingað inn á hverjum degi. Ég man í byrjun þegar heimsóknirnar fóru í fyrsta sinn yfir 100 og mér þótti það svo merkilegt. Í dag skipta þær tugum þúsunda á degi hverjum og mig sundlar af tilhugsuninni einni saman. Þið eruð út um allan heim og bloggið hefur meðal annars fengið heimsóknir frá löndum eins og Venezuela, Qatar, Cambodia, Jordan, Mozambique, Kuwait, Nepal, Yemen og Aruba. Hverjir voru þar? Ég verð svo forvitin þegar ég sé heimsóknir frá framandi löndum.

Takk fyrir öll falleg komment og tölvupósta sem þið hafið sent mér á þessum tveimur árum. Þið hafið fegrað líf mitt með þeim og ég mun seint ná að lýsa því hversu vænt mér þykir um að þið gefið ykkur tíma til að senda mér kveðju ♥

Dásamleg sítrónukaka með hindberjum og pistasíuhnetum

Ég er áskrifandi af Bon Appetit fyrir nokkru einsetti ég mér að prófa alltaf að minnsta kosti eina uppskrift úr hverju blaði sem dettur inn um lúguna. Það gengur svona og svona en ég lúsles blöðin aftur og aftur. Ég elska þessi blöð. Í nýjasta blaðinu kallaði þessi uppskrift á mig, kannski vegna þess að ég er svo hrifin af sítrónum, hindberjum og pistasíuhnetum. Hún var því sjálfskrifuð sem uppskriftin sem yrði prófuð úr þessu blaði. Þessi kaka hefur allt og getur ekki klikkað. Mér þótti hún svo ljúffeng og við dásömuðum hana við hvern bita.

Sítrónukaka með hindberjum og pistasíuhnetum (uppskrift úr bon appétit)

  • 1  3/4 bolli hveiti (250 g)
  • 1 ½ tsk lyftiduft
  • ½ tsk gróft salt
  •  4 stór egg
  • 1  1/4 bolli + 2 msk sykur
  • 2 tsk vanilludropar
  • 2 msk fínrifið sítrónuhýði
  • 1 msk + 1/4 bolli ferskur sítrónusafi
  • 3/4 bolli mild ólífuolía
  • 1 bolli fersk hindber
  • 3 msk hakkaðar ósaltaðar og óristaðar pistasíuhnetur

Hitið ofn í 175° og smyrjið 24 cm kökuform.

Hrærið saman hveiti, lyftidufti og salti í skál og leggið til hliðar. Hrærið egg og 1 bolla af sykri saman með handþeytara eða í hrærivél í 5 mínútur. Þá ætti blandan að vera orðin ljós og létt. Látið hrærivélina ganga og bætið vanilludropum og 1 msk af sítrónusafa saman við. Hrærið síðan olíunni smátt og smátt saman við. Hærið að lokum þurrefnum og sítrónuhýði varlega saman við. Setjið deigið í kökuformið og sléttið úr yfirborðinu. Setjið hindberin yfir, síðan pistasíuhneturnar og 2 msk af sykri. Bakið kökuna í 45-55 mínútur, eða þar til prjóni sem stungið hefur verið í kökuna kemur hreinn upp.

Á meðan kakan er í ofninum er 1/4 bolli af sykri og 1/4 bolli af sítrónusafa sett í lítinn pott. Látið suðuna koma upp, hrærið í og látið sykurinn leysast upp. Látið sítrónusýrópið kólna.

Þegar kakan er tilbúin er hún tekin úr ofninum og sett á grind til að kólna (ekki taka hana úr kökuforminu). Burstið sítrónusýrópinu yfir hana, notið allt sýrópið. Látið kökuna kólna alveg í forminu.

Allt hráefni í þessa uppskrift fæst í

HAGKAUP

Vikumatseðill

Vikumatseðill

Í gærkvöldi gerði ég uppáhalds granólað mitt og í leiðinni furðaði mig á því af hverju ég geri það ekki oftar. Þetta tekur enga stund! Það var því extra notalegt að koma fram í morgun, vitandi að það biði mín góður morgunverður án nokkurar fyrirhafnar. Besta byrjunin á deginum.

Matseðillinn fyrir komandi viku gefur hálfgert frí frá eldhúsinu á miðvikudeginum því þá er afgangur nýttur frá deginum áður. Uppskriftin er nefnilega stór og dugar vel í tvær máltíðir. Á föstudeginum er ein uppáhalds pizzan mín (ef þið hafið ekki gert hana þá hvet ég ykkur til að prófa!) og með helgarkaffinu kleinuhringir sem mig hefur langað í undanfarna daga. Ég fæ reglulega spurningar um kleinuhringjaformið sem ég nota og bendi því á að ég sá það um daginn í Hagkaup í Garðabæ (við endann á rekkanum með bökunarvörunum). Kostar ekki mikið og er hverrar krónu virði!

Ofnbakaður fiskur í paprikusósu

Mánudagur: Ofnbakaður fiskur í paprikusósu

Chili con carne

Þriðjudagur: Chili con carne og New York Times-brauð

Chili con carne

Miðvikudagur: Chili con carne með grænmeti í tortillavefju

Rjómalöguð kjúklingasúpa

Fimmtudagur: Rjómalöguð kjúklingasúpa

Pizza

Föstudagur: Mexíkó pizza

Kanilsykurhúðaðir kleinuhringir

Með helgarkaffinu: Kanilsykurhúðaðir kleinuhringir

Öll hráefni í þessar uppskriftir fást í

HAGKAUP

Dásamleg súkkulaðisósa

Föstudagskvöld

Ég var búin að lofa að setja þessa uppskrift hingað á bloggið, enda á hún svo sannarlega heima hér. Börnin mín eru sjúk í ís en sjálf vil ég helst hafa ísinn sem meðlæti, eins og til dæmis með heitri berjaböku eða súkkulaðiköku. Eða eins og hér, með hrúgu af berjum og sósu sem lyfir dásemdinni upp á hærra plan.

Föstudagskvöld

Dásamleg súkkulaðisósa

  • 1 dl sykur
  • 3/4 dl rjómi
  • 1/2 dl sýróp
  • smá salt
  • 1 tsk vanillusykur
  • 1/2 dl kakó
  • 50 g smjör

Setjið allt saman í pott og hrærið saman. Látið sjóða í nokkrar mínútur til að sósan þykkni. Berið súkkulaðisósuna heita eða volga fram.

Súkkulaðisósa

Allt hráefni í þessa uppskrift fæst í

HAGKAUP

Föstudagskvöld

Föstudagskvöld

Í kvöld fögnum við því að Malín sé komin inn í Versló og að ég sé komin í sumarfrí (sem er vissulega ómerkilegt í samhenginu en ljúft engu að síður!). Ég er svo ólýsanlega stolt af Malínu. Hún er svo samviskusöm og búin að leggja svo hart að sér til að komast inn í Verslunarskólann. Þær voru fjórar vinkonurnar sem sóttu um og komust allar inn! Þvílík hamingja og skemmtilegir tímar framundan hjá þeim.

Föstudagskvöld

Ég ætla ekki að setja inn uppskrift í kvöld heldur loka tölvunni og njóta kvöldsins með fjölskyldunni. Á morgun set ég inn uppskrift af æðislegri súkkulaðisósu sem prýðir ísinn okkar og jarðaberin í kvöld.

Ég vona að þið eigið gott föstudagskvöld ♥

Föstudagskvöld

Tortillakaka með kjúklingi

Tortillakaka með kjúklingi Það er óhætt að segja að við fengum vætusaman þjóðhátíðardag. Við fórum bæði í miðbæ Reykjavíkur og á Rútstún og eftir því sem leið á daginn ókst rigningin. Við vorum sem betur fer vopnuð regnhlífum sem björguðu okkur. Það var jú svo hlýtt og því varla hægt að kvarta. Ég viðurkenni þó fúslega að það var dásamlegt að koma heim, fara úr blautu fötunum, kveikja á kertum og eyða kvöldinu í sjónvarpssófanum. Tortillakaka með kjúklingiÞjóðhátíðarmaturinn var nú ekki  þjóðlegur en ljúffengur engu að síður. Ég gerði tortillaköku sem var svo góð að ég má til með að gefa ykkur uppskriftina fyrir helgina. Þetta er jú ekta föstudagsmatur! Ég notaði stórar tortillakökur en litlar eru eflaust ekki síðri. Súpergott! Tortillakaka með kjúklingiTortillakaka með kjúklingiTortillakaka með kjúklingi Tortillakaka með kjúklingi (fyrir 4-5)

  • 4 tortillakökur
  • 2 kjúklingabringur
  • 1 laukur
  • 1/2 púrrulaukur
  • 100 g sveppir
  • smjör til að steikja í
  • 1,5 msk jalapenos
  • 175 g chunky salsa (1/2 krukka)
  • 100 g philadelphiaostur
  • 15 svartar ólívur
  • 1-2 dl rifinn ostur

Hitið ofninn í 200°. Skerið kjúklingabringurnar í litla bita, hakkið laukinn, skerið púrrulaukinn í strimla og sveppina í sneiðar. Steikið kjúklinginn í smjöri. Bætið lauk, púrrulauk og sveppum saman við og steikið áfram. Bætið jalapenos, salsa og philadelphiaosti saman við og smakkið til með salti og pipar. Látið sjóða saman í nokkrar mínútur. Raðið tortillakökunum með fyllingunni á milli á ofnplötu sem hefur verið klædd með bökunarpappír. Setjið líka fyllinguna yfir efstu kökuna, setjið síðan ólívur yfir og stráið að lokum osti yfir. Bakið í 15 mínútur eða þar til kakan er heit í gegn og osturinn hefur fengið fallegan lit. Berið fram með salati, salsa, sýrðum rjóma og guacamole.

 Allt hráefni í þessa uppskrift fæst í

HAGKAUP

Brauðterta með kjúklingi og beikoni

 

Brauðterta með kjúklingi og beikoniGleðilegan þjóðhátíðardag! Það eru eflaust fáir sem sitja við tölvuna í dag en þó eru alltaf einhverjir sem velja að nýta frídaginn í afslöppun heima við. Sjálf hefði ég ekkert á móti því.  Það virðist þó ætla að rætast úr veðrinu og því kannski ráð að vera í fyrra fallinu á ferðinni til að nýta veðurblíðuna. Mér skildist á veðurfréttunum í gær að það ætti að rigna seinnipartinn. Þá er nú líka notalegt að koma heim og eiga góðgæti með kaffinu.

Brauðterta með kjúklingi og beikoniÞað fer enginn svangur út í daginn hér því ég bjó til brauðtertu í gærkvöldi sem við ætlum að gæða okkur á í dag. Brauðtertan dugar vel sem kvöldmatur enda bæði með kjúklingi og beikoni, og minnir því einna helst á klúbbsamloku! Hún er matarmikil og dugar eflaust fyrir 10 manns.

Brauðterta með kjúklingi og beikoni

Brauðterta með kjúklingi og beikoni (uppskrift úr Buffé)

  • 200 g beikonstrimlar
  • 1 grillaður kjúklingur
  • 10 sólþurrkaðir tómatar í olíu
  • 1 dl majónes
  • 3 dl hreint jógúrt
  • 1 dl graslaukur, skorinn fínt
  • 1 tsk dijonsinnep
  • 1/2 tsk salt
  • smá svartur pipar
  • 18 franskbrauðsneiðar
  • 400 g philadelphia ostur, við stofuhita
  • kirsuberjatómatar
  • ruccola

Steikið beikonið á pönnu. Látið fituna renna af og leggið beikonið til hliðar. Hreinsið kjúklingakjötið frá beinunum og skerið í smáa bita. Hakkið sólþurrkuðu tómatana. Blandið sólþurrkuðum tómötum, majónesi, jógúrti, graslauk, sinnepi, salti, pipar, kjúklingi og beikoni saman í skál.

Skerið kanntinn af brauðsneiðunum. Leggið 6 brauðsneiðar á fat og setjið helminginn af fyllingunni yfir. Leggið aðrar 6 brauðsneiðar yfir fyllinguna og setjið það sem eftir er af fyllingunni yfir. Leggið síðustu 6 brauðsneiðarnar yfir. Setjið plastfilmu yfir og látið standa í ísskáp í 3-4 klst. Smyrjið philadelphia ostinum meðfram hliðunum og yfir brauðtertuna. Skreytið með ruccola og kirsuberjatómötum.

Brauðterta með kjúklingi og beikoniBrauðterta með kjúklingi og beikoniBrauðterta með kjúklingi og beikoni

Allt hráefni í þessa uppskrift fæst í

HAGKAUP