Grilluð humarpizza

Grilluð humarpizzaÉg hef verið netlaus undanfarna daga en hef núna komið mér fyrir á netkaffihúsi til að blogga og svala netþörfinni. Ótrúlegt hvað netið skiptir orðið miklu máli í hversdagslífinu. Það er ekki einu sinni hægt að athuga með veðurspánna án þess. Og það sem verra er, ég hef ekki getað sett hingað inn bestu pizzuuppskrift sem hægt er að hugsa sér, grilluð humarpizza með hvítlaukssmjöri, parmesan og fleiri ómótstæðinlegum hráefnum.

Grilluð humarpizza

Þessi pizza er svo gjörsamlega ómótstæðileg að við grilluðum okkur hana tvo daga í röð um daginn. Það er svo lekkert að bjóða upp á hana með köldu hvítvínsglasi, hvort sem er í forrétt, aðalrétt eða fyrir saumaklúbbinn. Síðan er stórsnjallt að útbúa hana og geyma í ísskáp þar til hún fer á grillið. Þá þarf ekkert að gera eftir að gestirnir koma annað en að opna hvítvínsflösku og setja pizzurnar á grillið. Þetta getur ekki klikkað!Grilluð humarpizza

Grilluð humarpizza (uppskriftin miðast við eina pizzu)

  • álpappír
  • PAM sprey
  • salt og pipar
  • tortilla
  • 25 g smjör
  • 2 hvítlauksrif, pressuð
  • 2 msk parmesan (Parmareggio), finrifinn
  • 2 plómutómatar, hakkaðir og látið renna af þeim
  • fersk basilika
  • 60 g skelflettur humar frá Sælkerafiski
  • 1 msk parmesan (Parmareggio), fínrifinn
  • 2 lúkur pizza ostur
  • 30 g ferskur mozzarella í bitum

Rífið álpappír svo passi undir tortillaköku. Spreyið álpappírinn með PAM og stráið vel af maldon salti og pipar yfir. Leggið tortillu yfir. Bræðið smjör í potti og blandið saman við pressað hvítlauksrif. Penslið hvítlaukssmjörinu yfir tortillabotninn og stráið 2 msk af fínrifnum parmesan yfir. Hakkið plómutómata og látið leka af þeim í gegnum sigti. Leggið hökkuðu tómatana yfir parmesan ostinn og setjið basiliku sem hefur verið skorin/klippt í ræmur yfir. Skolið og þerrið humarinn og setjið hann yfir tómatana. Stráið 1 msk af parmesan yfir, þar eftir 2 lúkum af pizza osti og að lokum ferskum mozzarellabitum. Grillið þar til osturinn er bráðnaður og botninn stökkur.

Grilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizza

Allt hráefni í þessa uppskrift fæst í

HAGKAUP

Teriyaki kjúklingur með steiktum hrísgrjónum

Teriyaki kjúklingurUndanfarnir dagar hafa verið brjálæðislega annasamir. Það er svo furðulegt hvernig þetta getur verið, það koma tímabil sem eru róleg og svo fer allt á fullt. Nú er allt á fullu og þá skiptir öllu að skipuleggja dagana vel.Teriyaki kjúklingur

Í gær voru átta manns hér í mat og ég gerði mér auðvelt fyrir og grillaði teriyaki kjúkling sem ég bar fram með steiktum hrísgrjónum. Svo brjálæðislega gott! Þetta er fullkominn réttur til að bjóða upp á, hvort sem tíminn er knappur eða ekki. Kjúklingurinn er settur í marineringu kvöldið áður og þar sem ég notaði kjúklingalundir þurftu þær bara örskamma stund á grillinu. Steiktu hrísgrjónin er hægt að undirbúa með því að sjóða hrísgrjónin kvöldið áður og þá tekur enga stund að klára réttinn.Teriyaki kjúklingur

Kjúklingurinn verður dásamlegur í þessari marineringu, svo bragðgóður og mjúkur. Ég studdist við þessa uppskrift af steiktu hrísgrjónunum (ég sleppti kjúklingnum sem er gefinn upp í uppskriftinni). Teriyaki kjúklingur

Teriyaki kjúklingur

  • 1 poki kjúklingalundir frá Rose Poultry (700 g)
  • 1 flaska Teriyaki marinade frá Blue Dragon (150 ml)
  • safi úr 1 sítrónu
  • 2 pressuð hvítlauksrif
  • 1 tsk sesam olía
  • 1 tsk hunang

Blandið saman teriyaki marinade, sítrónusafa, hvítlauksrifum, sesam olíu og hunangi í skál. Skolið og þerrið kjúklingalundirnar og setjið í hreinan plastpoka (t.d. stóran nestispoka af rúllu). Hellið marineringunni yfir og blandið vel saman við kjúklinginn. Lofttæmið pokann og geymið í ísskáp í 20-24 klst.Teriyaki kjúklingur

Takið kjúklinginn úr pokanum og grillið.Teriyaki kjúklingur

Allt hráefni í þessa uppskrift fæst í

HAGKAUP

Grillaðir BBQ hamborgarar

Grillaðir BBQ hamborgararSumarfríið mitt byrjar vel. Við höfum verið hér heima í rólegheitum, strákarnir mæta á fótboltaæfingar daglega og á kvöldin höfum við grillað og farið í kvöldgöngur. Í fyrrakvöld fórum við Elliðarárdalinn, hann svíkur aldrei með sinni veðursæld og náttúrufegurð og síðan hafa krakkarnir gaman af kanínunum þar. Í gærkvöldi gengum við síðan Reykjadalinn. Þangað ættu allir að fara. Að liggja þar í heitu náttúrulaugum á sumarkvöldum, það gerist varla dásamlegra. Ég setti pulsur í hitabrúsa, pakkaði pulsubrauðum, drykkjum og súkkulaði í bakpoka og bauð upp á í lauginni við miklar vinsældir.

Grillaðir BBQ hamborgarar

Ég veit að það hefur verið mikið um grillrétti hér upp á síðkastið en ég er bara svo ánægð með að vera komin með almennilegt grill að við slökkvum varla á því. Um helgina grilluðum við hamborgara sem voru svo brjálæðislega góðir að ég má til með að gefa uppskrift af þeim. Í kvöld grilluðum við kjúkling sem ég verð líka að gefa ykkur uppskrift af, en það verður að vera síðar.

Grillaðir BBQ hamborgarar

Ég las einhvern tímann hjá Jamie Oliver að það geri gæfumun að pensla hamborgara með blöndu af sinnepi og Tabasco á meðan þeir eru grillaðir. Það hefur reynst mér vel að fylgja því sem hann segir og  líkt og áður hafði hann rétt fyrir sér, hamborgararnir verða súpergóðir við þetta. Annað sem mér þykir gott að hafa á hamborgurum er  lauk sem hefur legið í ísköldu vatni. Við það að leggja laukinn í kalt vatn áður en hann er borinn fram verður hann svo stökkur og góður.

Grillaðir BBQ hamborgarar

Við fullkomna hamborgaraveisluna með djúpsteiktum frönskum úr nýja djúpsteikingarpottinum okkar. Ég veit að það er mikið smartara og meira í tísku að kaupa djúsvél en mig hefur langað í djúpsteikingarpott í þó nokkurn tíma og þegar ég sá að Hagkaup er með 20% afslátt af öllum rafvörum í júlí ákvað ég að slá til. Potturinn kostaði tæpar 5 þúsund krónur með afslættinum og ég er hæstánægð. Franskar kartöflur verða svo margfalt betri við djúpsteikingu en það sem ég er þó aðallega spennt fyrir er að djúpsteikja camembert. Það mun heldur betur poppa ostabakkan upp. Við djúpsteiktum líka chili cheese sem við keyptum frosið og var skemmtileg viðbót í hamborgaraveisluna.

Grillaðir BBQ hamborgarar (ég gerði 8 hamborgara sem voru um 150 g hver)

  • 1 kg nautahakk
  • 2 dl Hunt´s Orginal BBQ sauce
  • salt og pipar
  • 1/2 dl gult sinnep (yellow mustard, t.d. frá Hunt´s)
  • Tabasco
  • beikon
  • cheddar ostur

Hrærið öllu saman og mótið 8 hamborgara (um 150 g hver). Hrærið saman gulu sinnepi og tabasco (magn eftir smekk, ég set ca 1/4 úr teskeið). Setjið hamborgarana á grillið og grillið beikonið samhliða. Penslið sinnepinu yfir hamborgarana á meðan þeir grillast og þegar þið snúið þeim við. Þegar hamborgararnir eru nánast fullgrillaðir er cheddar ostur settur yfir ásamt beikoni. Setjið hamborgarabrauðin yfir hamborgarann (lokið ofan á hamborgarann og botninn ofan á lokið, sbr. myndina hér að neðan) og lokið grillinu í smá stund á meðan osturinn bráðnar og brauðið hitnar.

Grillaðir BBQ hamborgararGrillaðir BBQ hamborgararGrillaðir BBQ hamborgararGrillaðir BBQ hamborgararGrillaðir BBQ hamborgarar

Allt hráefni í þessa uppskrift fæst í

HAGKAUP

Grillaðir bananar með súkkulaði og ís

Grillaðir bananar með súkkulaði og ísÉg hef eytt helginni í Fífunni þar sem við strákarnir áttum sjoppuvakt. Fótboltalífið er skemmtilegt en að mæta kl. 7.25 á sunnudagsmorgni þykir mér… hmmm….minna skemmtilegt. Ég er svo stolt af strákunum mínum sem rifu sig á fætur, unnu með bros á vör og þegar vaktinni lauk á hádegi buðust þeir til að vera áfram og hjálpa til því það var svo mikið að gera. Dugnaðarforkar!

Grillaðir bananar með súkkulaði og ís

Þegar við komum heim eftir vaktina okkar í gærkvöldi grilluðum við æðislega hamborgara sem ég ætla að gefa uppskrift af fljótlega. Í eftirrétt grilluðum við síðan banana með súkkulaði sem hurfu ofan í strákana. Frábær grillréttur sem bæði er einfaldur og hægt að undirbúa áður en matargestir koma.  Við gerðum ráð fyrir einum banana á mann og ég held að það sé passlegt. Þessir strákar okkar virðast þó botnlausir og hefðu eflaust getað torgað fimm stykkjum hver. Einn banani, með þremur ískúlum yfir þykir mér þó vera mjög passlegur skammtur sem gott er að miða við.

Grillaðir bananar með súkkulaði og ís

  • bananar
  • Nusica súkkulaðismjör
  • vanilluís
  • digistive kex

Takið bananann úr hýðinu og skerið rauf eftir honum endilöngum. Fyllið raufina með Nusica súkkulaðismjöri. Rífið álpappír í ca 30 x 30 cm og spreyið með PAM. Setjið bananann í miðjuna, lyftið hliðunum á álpappírnum upp og brjótið hann saman efst (skiljið eftir loft fyrir ofan bananann fyrir gufuna). Brjótið hliðarnar saman. Grillið við miðlungsháan hita í um 10 mínútur, eða þar til bananinn er mjúkur og súkkulaðið bráðnað. Á meðan er Digistive kex mulið.Grillaðir bananar með súkkulaði og ís

Grillaðir bananar með súkkulaði og ís

Grillaðir bananar með súkkulaði og ís

Fjarlægið bananann úr álpappírnum og setjið á disk. Setjið ískúlur yfir bananann og dreifið muldu Digistive kexi yfir. Berið strax fram.

Allt hráefni í þessa uppskrift fæst í

HAGKAUP

Dásamlegur BBQ kjúklingur – með öllu í einum pakka!

Dásamlegur BBQ kjúklingur - með öllu í einum pakka!Á morgun er síðasti vinnudagur minn fyrir sumarfrí og ég get varla beðið. Það verður svo notalegt að fara í frí og gott að fá tíma til að sinna því sem hefur setið á hakanum. Það sem stendur efst á to-do listanum er að fara með krakkana á franska kartöflustaðinn sem var að opna í miðbænum. Það er búið að bíða eftir þeirri ferð síðan við lásum í blöðunum að það stæði til að opna hann. Hvað ég get sagt, sonur minn elskar franskar (og ég líka). Vonandi stendur staðurinn undir væntingum.

Dásamlegur BBQ kjúklingur - með öllu í einum pakka!

Annað sem hefur verið ákveðið að gera í fríinu er að fara Austfirðina með vinafólki okkar. Þar ætlum við að bjóða þeim upp á grillaðan kjúkling sem við gerðum hér heima um daginn og erum enn að dásama. Þetta er besti grillréttur sem við vitum um. Hann er algjör draumur fyrir matarboð því það er hægt að gera réttinn alveg kláran áður en gestirnir koma og það eru engar skálar eða áhöld sem þarf að vaska upp eftir matinn. Það fer allt saman í álpappír á grillið og þaðan fer maturinn beint á diskana. Hentugt og hreint út sagt súpergott!

Dásamlegur BBQ kjúklingur - með öllu í einum pakka!

BBQ-kjúklingur með öllu í einum pakka – gerið ráð fyrir 1 pakka fyrir börn og 2 pökkum fyrir fullorðna

  • álpappír, rifinn í ca 30 x 45 cm fyrir hvern pakka.
  • PAM sprey
  • Hunt´s Honey Hickory BBQ Sauce
  • kartöflur, skornar í sneiðar
  • sætar kartöflur, skornar í sneiðar
  • Philadelphia rjómaostur
  • úrbeinuð kjúklingalæri frá Rose Poultry
  • græn paprika, hökkuð
  • rauð paprika, hökkuð
  • rauðlaukur, hakkaður
  • sveppir, sneiddir
  • salt og pipar
  • cheddar ostur, rifinn

Fyrir hvern pakka: Rífið álpappír í stærðinni 30 x 45 cm. Spreyið yfir álpappírinn með PAM og setjið rúmlega teskeið af BBQ sósu í miðjuna á álpappírnum. Skerið kartöflur í sneiðar og leggið yfir (miðið við 1 – 1 ½ kartöflu í hvern pakka). Setjið smá Philadelphia rjómaost yfir (u.þ.b. 1- 1½ msk), og þar á eftir sætar kartöflusneiðar yfir í svipuðu magni og kartöflurnar. Setjið rúmlega teskeið af BBQ sósu yfir og leggið þar á eftir úrbeinað kjúklingalæri yfir. Saltið og piprið og setjið rúmlega teskeið af BBQ sósu yfir. Hakkið papriku og rauðlauk, sneiðið sveppi og leggið efst. Lokið nú álpappírnum með því að lyfta langhliðunum upp og brjóta tvöfalt brot niður (passið að hafa loft fyrir ofan matinn fyrir gufuna sem myndast). Lokið hliðunum eins, þ.e. með tvöföldu broti, og grillið á lokuðu grilli, við miðlungsháan hita, í 25 mínútur.

Takið af grillinu, opnið pakkana að ofan og stráið rifnum cheddar yfir. Lokið aftur og látið standa í nokkrar mínútur á meðan osturinn bráðnar.

Dásamlegur BBQ kjúklingur - með öllu í einum pakka!Dásamlegur BBQ kjúklingur - með öllu í einum pakka!Dásamlegur BBQ kjúklingur - með öllu í einum pakka!Dásamlegur BBQ kjúklingur - með öllu í einum pakka!Dásamlegur BBQ kjúklingur - með öllu í einum pakka!Dásamlegur BBQ kjúklingur - með öllu í einum pakka!

 Allt hráefni í þessa uppskrift fæst í

HAGKAUP

Quiche Lorraine

Quiche LorraineMatarlöngunin á það til að sveiflast eftir veðrinu og þegar sólin skín vil ég helst vera með eitthvað létt í matinn. Í dag er sólin vissulega fjarri góðu gamni en hún lætur vonandi sjá sig áður en sumarið er allt og þá er gott að muna eftir þessari böku, sem passar reyndar í öllum veðrum og er líka frábær sem hádegisverður.

Quiche Lorraine

Mér þykir alltaf gaman að bera bökur fram því þær eru svo fallegar á borði. Þessa uppskrift sá ég fyrir þónokkru hjá Smitten kitchen og beið eftir tækifæri til að prófa hana. Okkur þótti hún dásamleg! Ég bar bökuna fram með salati með fetaosti og balsamik creme, sem okkur þótti passa stóvel með.

Quiche Lorraine – uppskrift frá Smitten kitchen

  • 1 ¾  bolli púrrulaukur, skorinn í bita (notið bara hvíta og ljósgræna hlutann, þið þurfið um tvo stóra lauka)
  • ¾ bolli laukur, skorinn í bita
  • 2 ½  tsk ólífuolía
  • 1  1/4 bolli hveiti
  • 1 msk + 2 tsk kornsterkja
  • salt
  • 6 msk smjör, skorið í teninga
  • 4 egg
  • ½ bolli + 1 msk rjómi
  • 1 bolli + 2 msk sýrður rjómi
  • smá múskat
  • smá pipar
  • 1½ bolli skinka, skorin í bita (ég keypti tilbúna skinkustrimla)
  • ¾ bolli ostur, t.d. gouda eða gouda sterkur

Setjið stóra pönnu yfir lágan hita og steikið lauk og púrrulauk í ólívuolíu í 30-40 mínútur, eða þar til þeir eru karamelluseraðir. Hrærið annað slagið í. Takið af hitanum og kælið.Quiche Lorraine

Setjið hveiti, kornsterkju, 1/4 tsk salt, smjör og 1 egg í matvinnsluvél og vinnið saman í deig (ef þið eruð ekki með matvinnsluvél notið þá handþeytara, gaffal eða heldurnar, allt virkar!).

Quiche Lorraine

Fletjið deigið út á hveitistráðu borði og setjið síðan yfir í bökuform (eða kökuform). Þrýstið deiginu vel í formið og kælið í ísskáp í 30 mínútur.

Á meðan bökuskelin er að kólna er rjóma og sýrðum rjóma blandað saman í skál. Hrærið eggjunum 3 sem eftir eru saman við ásamt smá múskati, salti og pipar. Hitið ofninn í 175°.

Takið bökuskelina úr ísskápnum og dreifið laukblöndunni yfir botninn á henni. Setjið þar á eftir skinkubita og rifinn ost yfir. Hellið rjóma- og eggjablöndunni yfir og setjið bökuna í ofninn. Bakið í um 25-30 mínútur, eða þar til bakan hefur fengið fallegan lit.

Quiche LorraineQuiche LorraineQuiche LorraineQuiche Lorraine

Berið bökuna fram heita eða við stofuhita, með góðu salati.

Allt hráefni í þessa uppskrift fæst í

HAGKAUP

 

 

S´mores

S´moresUm daginn prófuðum við uppskrift sem Jakob kom með hugmynd að. Hann er svo mikill mataráhugamaður og mér þykir alltaf jafn gaman þegar hann er að stinga upp á matréttum.  Þetta er sem sagt hans útgáfa af S´mores sem bandaríkjamenn virðast varla kveikja eld án þess að útbúa. Hafrakex var smurt með súkkulaði Nusica, sykurpúðar grillaðir og síðan klemmdir á milli tveggja kexkakna. Súpergott og einfalt. Stökkt kex, mjúkt súkkulaði og hálf bráðinn sykurpúði – þetta er tjúlluð blanda sem hvarf ofan í krakkana.

S´moresS´moresS´moresS´moresS´moresS´mores

S´mores

  • hafrakex, t.d. Digestive
  • Nusica súkkulaðismjör
  • sykurpúði

Smyrjið hafrakex með súkkulaðismjöri. Þræðið sykurpúða upp á grilltein og grillið þar til stökkir að utan og mjúkir að innan. Rennið grilluðum sykurpúðum af grillspjótinu beint á smurt kexið, leggið smurða kexköku ofan á og klemmið saman.

Allt hráefni í þessa uppskrift fæst í

HAGKAUP