Vikumatseðill

EplaskífurÞessi helgi hefur verið svo yndislega notaleg. Það sem við höfum jólast og notið þess að vera saman. Jólaljósin voru sótt í geymsluna og sett upp og í gærkvöldi horfðum við, hefðinni samkvæmt, á jólamynd saman. Það gerum við alltaf á aðventunni, svoooo notaleg hefð og dýrmæt núna þegar krakkarnir eru farin að eldast og þeim fer fækkandi stundunum sem við eigum öll saman. Fyrir valinu í gær varð Christmas with the Kranks. Í dag vorum við svo með aðventukaffi með heimagerðum eplaskífum (hér er uppskriftin sem ég nota) og heitu súkkulaði með rjóma (besta uppskriftin af heitu súkkulaði er hér). Það er hefð sem hófst fyrir þremur jólum þegar ég eignaðist loksins eplaskífupönnu. Hún er ein af mínum uppáhalds eldhúsáhöldum, er bara brúkuð á aðventunni og það er beðið með eftirvæntingu frá því að skólarnir byrja á haustin eftir eplaskífuaðventukaffinu.

Vikumatseðill

Matseðillinn þessa vikuna er stútfullur af einföldum og fljótgerðum réttum. Það getur oft komið sér vel að hafa hann þannig, sérstaklega þegar jólaundirbúningur er í fullum gangi. Ég er óvenju snemma í jólagjafakaupum þetta árið, er búin að kaupa allar nema eina, en er enn ekki byrjuð á smákökubakstrinum. Ég vil alltaf vera búin að gera sörur og saffransnúða áður en desember gengur í garð, en það fór fyrir lítið þetta árið og fær að vera verkefni mitt þessa vikuna.

Vikumatseðill

Þorskur í ljúffengri karrýsósu

Mánudagur: Þorskur í ljúffengri karrýsósu

Spaghetti bolognese

Þriðjudagur: Spaghetti bolognese

Grjónagrautur

Miðvikudagur: Ofnbakaður grjónagrautur

Sveppapasta

Fimmtudagur: Sveppapasta

Kasjúhnetukjúklingur

Föstudagur: Kasjúhnetukjúklingur

Súkkulaðimarenstoppar með frönsku núggati

Með helgarkaffinu: Súkkulaðimarengstoppar með frönsku núggati

Öll hráefni í þessar uppskriftir fást í

HAGKAUP

Vikumatseðill

Ég hef ekki náð að sinna blogginu eins og ég hefði viljað þessa vikuna. Ástæðan er einfaldlega sú að það hefur allt verið á haus hjá mér. Það er búið að vera mikið að gera í vinnunni, ég er búin að standa í framkvæmdum hér heima og mitt í öllu var ég með tvö matarboð og fór í eitt afmæli. Helgin hefur verið nýtt í að leggja lokahönd á framkvæmdirnar, koma öllu aftur á sinn stað og þrífa. Í dag verða svo gerð stórinnkaup, ekki degi of seint því ísskápurinn er hálf tómur. Það verður dásamlegt að sigla inn í nýja viku með hreint heimili og ísskápinn fullan af mat. Hversdagsleikinn getur verið svo ljúfur…

Vikumatseðill

Steiktur fiskur í pulsubrauði

Mánudagur: Steiktur fiskur í pulsubrauði

Nautahakks og makkarónupanna

Þriðjudagur: Nautahakks- og makkarónupanna

Ferskt tortellini í pestósósu

Miðvikudagur: Tortellini í pestósósu

Kjúklingalaksa

Fimmtudagur: Laksa með kjúklingi

Grísk pizza

Föstudagur: Grísk pizza

Súkkulaði- og bananakaka

Með helgarkaffinu: Súkkulaði- og bananakaka

Öll hráefni í þessar uppskriftir fást í

HAGKAUP

Tacos með rauðum linsubaunum

Tacos með rauðum linsubaunum

Ég er að reyna að hafa að minnsta kosti einn kjötlausan dag í viku. Það ætti ekki að vera svo erfitt en virðist þó ekki gerast sjálkrafa hjá mér. Ég á það til að mikla þetta verkefni fyrir mér þó ég viti vel að það er til svo mikið af góðum kjötlausum réttum og þeir þurfa ekki að vera flóknir. Það er til dæmis snjallt að vera með súpur eins og blómkálssúpu, sveppasúpu, aspassúpu eða tómatsúpu eitt kvöld í viku og þar með er málið leyst. Eða að gera grænmetispizzu á föstudagskvöldinu sem er poppuð upp með hnetum, góðum ostum og hvítlauksolíu (ég bauð upp á þannig í matarboði sem ég var með síðasta föstudagskvöld og sló í gegn). Síðan hef ég nokkrum sinnum gert tacos með baunum í staðin fyrir nautahakk og það er alls ekki síðra, og jafnvel betra, en með nautahakki og mun ódýrara.

Tacos með rauðum linsubaunum

Þetta er svo einfalt að það hálfa væri nóg. Ég kaupi rauðar linsubaunir (ég nota frá Sollu, en hægt er að nota hvaða tegund sem er) því þær passa stórvel í tacos. Það þarf ekki að leggja þær í bleyti, þær hafa stuttan suðutíma og kosta lítið. Þegar þær hafa soðið í 10 mínútur verða þær mjúkar og klessast aðeins saman. Undir lokin á suðutímanum bæti ég tacokryddi saman við og útkoman er æðisleg.

Tacos með rauðum linsubaunum

Það eina sem ég geri er að skola baunirnar og setja þær í pott í hlutföllunum 1 dl. rauðar linsubaunir á móti 2-3 dl af léttsöltuðu vatni. Þegar mest allt vatnið hefur soðið burt er tacobréfi hrært saman við og látið sjóða með í lokin. Ég ber baunirnar fram í stökkum tacoskeljum með salsa, avokadó (átti guacamole sem ég notaði í staðin fyrir avokadó), tómötum, gúrku, káli, rauðlauk, sýrðum rjóma, ostasósu og nachos. Það þarf ekki svona mikið meðlæti, notið bara það sem þið eigið eða hafið löngun í!

Allt hráefni í þessa uppskrift fæst í

HAGKAUP

Vikumatseðill

Vikumatseðill

Helgin hefur verið lituð af sorg. Á föstudagskvöldinu buðum við mömmu, bróður mínum, systur minni (sem er á landinu aldrei þessu vant) og börnunum hennar í mat. Við áttum svo yndislegt kvöld, borðuðum yfir okkur og nutum þess að vera öll saman. Það gerist sjaldan því systir mín býr í Kaupmannahöfn. Þegar þau fóru lagðist ég í sófann með tölvuna og komst að því sem hafði gerst í París. Svo hræðilega sorglegt og óskiljanlegt. Hvernig getur svona mannvonska verið til?

Ég fór í göngu um Elliðarárdalinn í gær og það var svo kyrrsælt þar. Ég gat ekki annað en hugsað til þess hvað við erum lánsöm að búa hér, á landi þar sem við þurfum ekki að hafa áhyggjur af árásum og hryðjuverkum. Að við getum gengið um fallega landið okkar áhyggjulaus. Getum farið á fótboltaleiki, tónleika og veitingahús áhyggjulaus. Parísarbúar voru líka öruggir og áhyggjulausir, þar til á föstudagskvöldinu. Það hræðir mig hvað lífið getur breyst snögglega.

Vikumatseðill

Fiskgratín með sveppum

Mánudagur: Einfalt fiskgratín með sveppum

Gúllassúpa með nautahakki

Þriðjudagur: Gúllassúpa með nautahakki

Skinku- og spergilkálsbaka

Miðvikudagur: Skinku- og spergilkálsbaka

Kjúklingakúskús með sweet chili

Fimmtudagur: Kjúklingakúskús með sweet chili

Súpergott tacogratín

Föstudagur: Súpergott tacogratín

Daimlengjur

Með helgarkaffinu: Daimlengjur

Öll hráefni í þessar uppskriftir fást í

HAGKAUP

Extra mjúkir og loftkenndir kanilsnúðar

Extra mjúkir og loftkenndir kanilsnúðarMér þykja nýbakaðir sænskir kanilsnúðar ómótstæðilega góðir. Því miður gef ég mér sjaldan tíma til að baka þá en þegar ég geri það passa ég mig á að baka stóra uppskrift og fylla frystinn í leiðinni. Það er nefnilega upplagt að frysta kanilsnúða og best þykir mér að frysta þá á meðan þeir eru enn volgir. Síðan þegar gesti ber að garði, eða löngunin kemur yfir mann, þá er bara að kippa snúðum út, afþýða í 2-3 mínútur (eftir fjölda snúða) í örbylgjuofninum og snúðarnir verða eins og nýbakaðir.

Extra mjúkir og loftkenndir kanilsnúðar

Eftir að ég bakaði þessa snúða um daginn hef ég fengið daglegar símhringingar í vinnuna frá krökkunum þar sem þau spyrja hvort þau megi hita sér snúð. Það getur enginn staðist þá hér heima og við verðum líklegast ekki róleg fyrr en snúðarnir eru búnir. En það er líka í fínu lagi því þeir voru bakaðir til að njóta og það er óneitanlega notalegt að setjast niður á kvöldin með mjólkurglas og heitan snúð. Eða að hita súkkulaði og snúða í kaffitímanum. Svo brjálæðislega gott!

Extra mjúkir og loftkenndir kanilsnúðar

  • 1 pakki þurrger
  • 200 g smjör
  • 6 dl mjólk
  • 2 egg
  • 2½ dl sykur
  • 2½ tsk salt
  • 22-24 dl hveiti

Bræðið smjörið í potti og bætið mjólkinni saman við. Hitið í um 37°. Blandið öllum hráefnum saman og vinnið saman í deig (ef þið notið hrærivél látið hana þá vinna deigið í 10 mínútur, ef þið hnoðið í höndunum þá a.m.k. 10 mínútur). Látið deigið hefast undir viskastykki í 30 mínútur.

Fylling:

  • 200 g smjör við stofuhita
  • 2 dl sykur
  • 4 msk kanill

Á meðan deigið hefast er hráefnum í fyllinguna hrært saman.

Skiptið deiginu í tvennt og fletjið hvorn hluta út í aflanga köku (þannig að deigið verði í laginu eins og skúffukaka). Smyrjið fyllingunni yfir og brjótið deigið saman eftir langhliðinni. Skerið í 4-5 cm strimla og skerið síðan upp í hvern strimil þannig að hann líti út eins og buxur. Snúið „buxnaskálmunum“ og vefjið síðan í snúð þannig að endarnir fari undir snúðinn (það má líka einfaldlega rúlla deiginu upp og skera í sneiðar). Setjið á ofnplötu sem hefur verið klædd með bökunarpappír. Látið nú snúðana hefast í köldum bakaraofni með pott með sjóðandi vatni undir, í 60-90 mínútur. Penslið snúðana með eggi og stráið perlusykri yfir. Bakið við 225° í 8-10 mínútur.

Extra mjúkir og loftkenndir kanilsnúðarExtra mjúkir og loftkenndir kanilsnúðar

Allt hráefni í þessa uppskrift fæst í

HAGKAUP

 

 

Parmesanbuff í rjómasósu

Parmesanbuff í rjómasósu

Mér þykir gaman að brjóta upp hversdagsleikan með góðum mat og jafnvel vínglasi með í miðri viku, en heimilismatinn má þó ekki vanmeta. Eins og þessi parmesanbuff sem eru frábær hversdagsmatur. Hversdagsmatur sem gæti skammlaust verið helgarmatur og á borðum í matarboðum. Hversdagsmatur sem getur ekki annað en vakið lukku. Parmesan osturinn gefur buffunum gott bragð sem nýtur sín einnig vel í sósunni. Krakkarnir fengu sér öll aftur á diskinn og óhætt að segja að máltiðin hafi vakið lukku. Stormandi lukku!

Parmesanbuff í rjómasósu

Parmesanbuff í rjómasósu

  • 700 g nautahakk
  • 2 egg
  • 100 g fínrifinn parmesan
  • um 2 dl vatn
  • 2 tsk salt
  • svartur og hvítur pipar

Blandið öllum hráefnum saman (ég skelli öllu í hrærivélina og læt hana taka nokkra snúninga) og mótið 9 buff. Steikið í 4-5 mínútur á hvorri hlið í vel af smjöri (eða smjörlíki). Takið buffin af pönnunni og gerið sósuna.

Sósa:

  • 2 dl vatn
  • 1-2 msk kálfakraftur (kalv fond)
  • 2 dl rjómi
  • 2 dl mjólk
  • smá skvetta af sojasósu
  • smá rifsberjahlaup
  • maizena (til að þykkja)

Hellið vatninu á pönnuna sem buffin voru steikt í (ekki hreinsa pönnuna áður) og bætið kálfakraftinum saman við. Ef þurfa þykir má síðan hella soðinu í gegnum sigti og setja það svo aftur á pönnuna. Hrærið rjóma og mjólk saman við og leyfið að sjóða í nokkrar mínútur. Smakkið til með sojasósu og rifsberjahlaupi. Þykkið sósuna með maizena og látið parmesanbuffin að lokum í sósuna og sjóðið saman við vægan hita í nokkrar mínútur.

Parmesanbuff í rjómasósuParmesanbuff í rjómasósuParmesanbuff í rjómasósu

Allt hráefni í þessa uppskrift fæst í

HAGKAUP

Vikumatseðill

Vikumatseðill

Í dag er svolítið merkilegur dagur í mínum bókum því 1. nóvember fyrir nákvæmlega 10 árum hætti ég að drekka kók-drykki. Ég elskaði kók og pepsí og í raun alla svarta gosdrykki, drakk allt of mikið af þeim og það reyndist mér þrautinni þyngri að hætta að drekka þá. Það var satt að segja alveg hræðilega erfitt. Ég hef ekki tekið einn einasta kóksopa á þessum 10 árum, enda alveg viss um að ég fell við þann fyrsta. Ef ég gæti nú bara kvatt fleiri ósiði, eins og þá óstjórnlegu sælgætislöngun sem virðist ekki ætla að eldast af mér (nammiskálin á myndinni er síðan í gærkvöldi, sem ég naut yfir tveimur nýjum tímaritum sem biðu mín). Ég ætla þó ekki að svekkja mig á því, heldur vera ánægð með að hafa þó náð þessum áfanga. Síðan hef ég alið upp þrjú börn sem drekka ekki neina gosdrykki (Malín er á 18. ári og hefur aldrei drukkið gos). Það verður líka að teljast nokkuð gott!

Og að því sögðu, og ekki í neinu samhengi við það sem sagt var, kemur hér hugmynd að vikumatseðli. Ég vona að hann nýtist ykkur ♥

Vikumatseðill

Pönnusteiktur þorskur með sætum kartöflubátum og basilikumajónesi

Mánudagur: Pönnusteikur þorskur með sætum kartöflubátum og basilikumajónesi

Pestóbaka með bökuðu grænmeti

Þriðjudagur: Pestóbaka með bökuðu grænmeti

Gúllassúpa með nautahakki

Miðvikudagur: Gúllassúpa með nautahakki

Pylsugratín með kartöflumús

Fimmtudagur: Pylsugratín með kartöflumús

Kjúklingur í ostrusósu

Föstudagur: Kjúklingur í ostrusósu

Sítrónukaka með kókos

Með helgarkaffinu: Sítrónukaka með kókos

Öll hráefni í þessar uppskriftir fást í

HAGKAUP