Grillaður kjúklingur með pestó og ólífumauki

Grillaður kjúklingur með pestó og ólífumaukiÁ morgun byrja ég að vinna eftir sumarfrí sem leið óvenju hratt. Við ferðuðumst hringinn í kringum landið og enduðum á þjóðhátíð í eyjum. Við fórum í göngur, í silfurbergsnámu, skoðuðum Austfirðina og borðuðum helling af góðum mat. Alveg eins og sumarfrí eiga að vera! Grillaður kjúklingur með pestó og ólífumauki

Þetta hefur verið mikið grillsumar og ég hef enn ekki fengið nóg. Þennan kjúklingarétt grilluðum við okkur áður en við héldum í hringferðina og hann vakti lukku bæði hjá fullorðnum og börnum. Ég bar kjúklinginn fram með grilluðum paprikum og rauðlauk, nýjum kartöflum (setti þær líka á grillið í álpappír með smjöri og salti) og kaldri pestósósu sem fór stórvel með.Grillaður kjúklingur með pestó og ólífumauki

Mér þykir sú aðferð að grilla í álpappírspökkum vera frábær, það er hægt að undirbúa matinn áður og þarf ekkert að hugsa um hann á meðan maturinn stendur á grillinu. Einfaldast í heimi og frábært fyrir matarboðið!

Grillaður kjúklingur með pestó og ólífumauki

Toppurinn

  • 1 fetakubbur (250 g)
  • 1 dl hakkaðir sólþurrkaðir tómatar
  • 1 dl grænar ólífur
  • 1 dl svartar ólífur

Allt sett í matvinnsluvél og unnið saman í grófan massa. Ef þið eigið ekki matvinnsluvél þá er hægt að nota töfrasprota eða hreinlega hakka allt vel saman með góðum hníf.Grillaður kjúklingur með pestó og ólífumaukikjúkl.m.ólífum20Grillaður kjúklingur með pestó og ólífumauki

Fyrir kjúklinginn

  • 1 poki kjúklingabringur frá Rose Poultry (900 g)
  • PAM sprey
  • salt og pipar
  • Filippo Berio sun dried tomato pesto
  • hvítmygluostur, t.d. Auður, Ljúflingur, Kastali…

Skolið kjúklingabringurnar og þerrið. Rífið álpappír í um það bil stærðinni 30 x 45 cm og spreyið með PAM. Athugið að í einn álpappírspakka fer ein kjúklingabringa, þannig að það er 1 pakki á mann. Leggið kjúklingabringuna í miðjan álpappírinn og saltið og piprið. Setjið 2 msk af pestói yfir bringuna og síðan 3 msk af ólífuhrærunni.  Lokið nú álpappírnum með því að lyfta langhliðunum upp og brjóta tvöfalt brot niður (passið að hafa loft fyrir ofan matinn fyrir gufuna sem myndast). Lokið hliðunum eins, þ.e. með tvöföldu broti, og grillið á lokuðu grilli, við miðlungsháan hita, í 25 mínútur. Takið af grillinu, opnið pakkann að ofan og leggið nokkrar sneiðar af hvítmygluosti yfir. Lokið pakkanum aftur og látið standa í nokkrar mínútur á meðan osturinn bráðnar.Grillaður kjúklingur með pestó og ólífumaukiGrillaður kjúklingur með pestó og ólífumaukiGrillaður kjúklingur með pestó og ólífumaukiGrillaður kjúklingur með pestó og ólífumaukiGrillaður kjúklingur með pestó og ólífumauki

Köld sósa

  • 100 g Philadelphia rjómaostur
  • 3 tsk Filippo Berio Classic Pesto (grænt)
  • 2 msk vatn
  • salt og pipar

Setjið allt í matvinnsluvél (eða notið töfrasprota) og vinnið saman.Grillaður kjúklingur með pestó og ólífumauki

Ristaðar furuhnetur með tamarin sósu

  • 1 poki furuhnetur (ca 70 g)
  • 1 msk Tamarin sósa

Ristið furuhneturnar á þurri pönnu þar til þær eru gylltar á lit. Hellið þá tamarin sósunni yfir og ristið áfram þar til sósan hefur þornað á hnetunum (tekur enga stund, kannski 30 sek.).Grillaður kjúklingur með pestó og ólífumauki

Allt hráefni í þessa uppskrift fæst í

HAGKAUP

Grilluð humarpizza

Grilluð humarpizzaÉg hef verið netlaus undanfarna daga en hef núna komið mér fyrir á netkaffihúsi til að blogga og svala netþörfinni. Ótrúlegt hvað netið skiptir orðið miklu máli í hversdagslífinu. Það er ekki einu sinni hægt að athuga með veðurspánna án þess. Og það sem verra er, ég hef ekki getað sett hingað inn bestu pizzuuppskrift sem hægt er að hugsa sér, grilluð humarpizza með hvítlaukssmjöri, parmesan og fleiri ómótstæðinlegum hráefnum.

Grilluð humarpizza

Þessi pizza er svo gjörsamlega ómótstæðileg að við grilluðum okkur hana tvo daga í röð um daginn. Það er svo lekkert að bjóða upp á hana með köldu hvítvínsglasi, hvort sem er í forrétt, aðalrétt eða fyrir saumaklúbbinn. Síðan er stórsnjallt að útbúa hana og geyma í ísskáp þar til hún fer á grillið. Þá þarf ekkert að gera eftir að gestirnir koma annað en að opna hvítvínsflösku og setja pizzurnar á grillið. Þetta getur ekki klikkað!Grilluð humarpizza

Grilluð humarpizza (uppskriftin miðast við eina pizzu)

  • álpappír
  • PAM sprey
  • salt og pipar
  • tortilla
  • 25 g smjör
  • 2 hvítlauksrif, pressuð
  • 2 msk parmesan (Parmareggio), finrifinn
  • 2 plómutómatar, hakkaðir og látið renna af þeim
  • fersk basilika
  • 60 g skelflettur humar frá Sælkerafiski
  • 1 msk parmesan (Parmareggio), fínrifinn
  • 2 lúkur pizza ostur
  • 30 g ferskur mozzarella í bitum

Rífið álpappír svo passi undir tortillaköku. Spreyið álpappírinn með PAM og stráið vel af maldon salti og pipar yfir. Leggið tortillu yfir. Bræðið smjör í potti og blandið saman við pressað hvítlauksrif. Penslið hvítlaukssmjörinu yfir tortillabotninn og stráið 2 msk af fínrifnum parmesan yfir. Hakkið plómutómata og látið leka af þeim í gegnum sigti. Leggið hökkuðu tómatana yfir parmesan ostinn og setjið basiliku sem hefur verið skorin/klippt í ræmur yfir. Skolið og þerrið humarinn og setjið hann yfir tómatana. Stráið 1 msk af parmesan yfir, þar eftir 2 lúkum af pizza osti og að lokum ferskum mozzarellabitum. Grillið þar til osturinn er bráðnaður og botninn stökkur.

Grilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizzaGrilluð humarpizza

Allt hráefni í þessa uppskrift fæst í

HAGKAUP

Teriyaki kjúklingur með steiktum hrísgrjónum

Teriyaki kjúklingurUndanfarnir dagar hafa verið brjálæðislega annasamir. Það er svo furðulegt hvernig þetta getur verið, það koma tímabil sem eru róleg og svo fer allt á fullt. Nú er allt á fullu og þá skiptir öllu að skipuleggja dagana vel.Teriyaki kjúklingur

Í gær voru átta manns hér í mat og ég gerði mér auðvelt fyrir og grillaði teriyaki kjúkling sem ég bar fram með steiktum hrísgrjónum. Svo brjálæðislega gott! Þetta er fullkominn réttur til að bjóða upp á, hvort sem tíminn er knappur eða ekki. Kjúklingurinn er settur í marineringu kvöldið áður og þar sem ég notaði kjúklingalundir þurftu þær bara örskamma stund á grillinu. Steiktu hrísgrjónin er hægt að undirbúa með því að sjóða hrísgrjónin kvöldið áður og þá tekur enga stund að klára réttinn.Teriyaki kjúklingur

Kjúklingurinn verður dásamlegur í þessari marineringu, svo bragðgóður og mjúkur. Ég studdist við þessa uppskrift af steiktu hrísgrjónunum (ég sleppti kjúklingnum sem er gefinn upp í uppskriftinni). Teriyaki kjúklingur

Teriyaki kjúklingur

  • 1 poki kjúklingalundir frá Rose Poultry (700 g)
  • 1 flaska Teriyaki marinade frá Blue Dragon (150 ml)
  • safi úr 1 sítrónu
  • 2 pressuð hvítlauksrif
  • 1 tsk sesam olía
  • 1 tsk hunang

Blandið saman teriyaki marinade, sítrónusafa, hvítlauksrifum, sesam olíu og hunangi í skál. Skolið og þerrið kjúklingalundirnar og setjið í hreinan plastpoka (t.d. stóran nestispoka af rúllu). Hellið marineringunni yfir og blandið vel saman við kjúklinginn. Lofttæmið pokann og geymið í ísskáp í 20-24 klst.Teriyaki kjúklingur

Takið kjúklinginn úr pokanum og grillið.Teriyaki kjúklingur

Allt hráefni í þessa uppskrift fæst í

HAGKAUP

Grilluð Tandoori lambalund með salati, nanbrauði og raita

Grilluð Tandoori lambalund með salati og raita

Eftir nánast grilllaust sumar í fyrra, þar sem gamla grillið söng sitt síðasta bæði hvað varðar gæði og útlit (undir lokin leit það út eins og klippt úr hryllingsmynd), tók ég fagnandi á móti góða veðrinu í gær með spánýju grilli sem mér þykir svo fínt að ég tími varla að nota það. Það er stórt, fallegt og dásamlegt í alla staði. Best af öllu er þó að nú get ég notið grillmats aftur án þess að eiga þá hættu að heilbrigðisyfirvöld banki upp á. Algjör lúxus!Grilluð Tandoori lambalund með salati og raita

Það var frábært grillveður og því upplagt að prófa nýja grillið. Það vildi svo heppilega til að mamma fékk sér göngutúr til okkar fyrr um daginn og kom færandi hendi, með lambalundir. Það var því nokkuð borðleggjandi að setja þær á grillið. Þar sem við fórum fullseint að huga að kvöldverðinum ákváðum við að gera einfalda marineringu og setja lundirnar í salat.Grilluð Tandoori lambalund með salati og raita

Á grillið fór líka grænmeti og keypt nan brauð og herlegheitin voru síðan borin fram með raita sósu. Þetta var æðisleg máltíð! Við gátum ekki hætt að dásama hana og borðuðum á okkur gat.Grilluð Tandoori lambalund með salati og raita

Mér var bent á það fyrir nokkru að nota PAM sprey á grillið til að maturinn festist síður við það. Það hefur virkað stórvel og því gef ég þessa grillábendingu áfram til ykkar. Vonandi fáum við nú gott grillsumar!

tandoori11

Grilluð Tandoori lambalund með salati

  • ½ dl Tandoori spice marinade frá Patak´s
  • 3 msk hrein jógúrt
  • 350 g lambalundir
  • 1 rauð paprika
  • 1 gul paprika
  • 1 rauðlaukur
  • spínat
  • kirsuberjatómatar

Hrærið saman Tandoori spice marinade og hreinni jógúrt. Leggið lambakjötið í marineringuna og látið standa í 30 mínútur. Takið kjötið úr marineringunni og grillið, penslið kjötið með marineringunni sem varð eftir þegar þið snúið kjötinu.

Skerið paprikur og rauðlauk gróft og grillið (endilega leikið ykkur með þetta og notið það grænmeti sem þið eruð í stuði fyrir).

Setjið spínat í skál. Dreifið grilluðu grænmeti yfir ásamt kirsuberjatómötum. Skerið lambakjötið i sneiðar og setjið yfir salatið. Skreytið með myntu og raita sósu.

Grilluð Tandoori lambalund með salati og raitaGrilluð Tandoori lambalund með salati og raitaGrilluð Tandoori lambalund með salati og raita

Raita (uppskrift frá Ree Drummond)

  • 1 stór gúrka
  • 2 bollar hrein jógúrt
  • 3/4 tsk cumin
  • 1/4 tsk mulið kóriander (krydd, ekki ferskt)
  • 1/8 tsk cayenne
  • safi úr 1 sítrónu
  • salt og pipar
  • 1/4 bolli hökkuð fersk mynta

Skerið gúrkuna í tvennt, eftir henni endilangri. Notið skeið til að skrapa kjarnann úr og rífið síðan gúrkuna með rifjárni. Setjið rifna gúrkuna í eldhúspappír og kreistið safann frá.

Hærið saman í skál jógúrt, cumin, kóriander, cayenne, sítrónusafa, salt og pipar. Bætið gúrkunni saman við og hrærið saman. Bætið þá myntunni saman við og hrærið. Smakkið til. Setjið plast yfir skálina og látið standa í ísskáp þar til sósan skal borin fram. Best er að útbúa sósuna nokkrum tímum áður.

Meðlæti: 

  • Nan brauð frá Patak´s

Penslið brauðið með vatni og grillið í 1 mínútu á hvorri hlið.

Grilluð Tandoori lambalund með salati og raita

Allt hráefni í þessar uppskriftir fæst í

HAGKAUP