Löng helgi í Stokkhólmi

Við Hannes tókum skyndiákvörðun síðasta miðvikudag og bókuðum okkur ferð til Stokkhólms yfir helgina. Við vorum heppin að ná síðasta herberginu á Berns (Haymarket var uppbókað) og fengum stórt og gott herbergi á efstu hæð. Veðrið var æðislegt, sól og yfir 20 gráður langt fram eftir kvöldi. Við nutum til hins ýtrasta!

Þar sem fyrirvarinn var stuttur (innan við sólarhringur!) náði ég ekki að bóka veitingastaði eins og ég er vön að gera en það kom ekki að sök. Við borðuðum æðislegan mat og ég uppgötvaði í leiðinni nýjan stað sem varð strax uppáhalds. Eftir ferðina eru nokkrir staðir sem mig langar að benda á.


Það er ekkert nýtt að ég dásami Sturehof en þangað fer ég í hverri einustu Stokkhólmsferð og panta alltaf það sama, toast skagen og hvítvínsglas. Best í heimi!

Koh Phangan er góður tælenskur staður  með frábærum mat á góðu verði. Við vorum heppin að ná borði uti og sátum frameftir kvöldi yfir matum.

Taverna Brillo er annnar góður staður sem við borðuðum tvisvar á og í bæði skiptin fengum við borð úti í sólinni. Í fyrra skiptið fengum við okkur trufflu mac & cheese sem var æði og í það seinna pizzu með ítalskri skinku, parmesan, ruccola, valhnetum og sítrónu sem var ekki síðri.

Phils burger er vinsæll hamborgarastaður sem er á nokkrum stöðum um Stokkhólm og er með æðislega hamborgara. Ég fékk mér með karamelluseruðum lauki og trufflu majónesi sem var brjálæðislega góður. Hannes fékk sér borgara sem hét Phils Limited burger og var með asísku tvisti. Með borgurunum fengum við okkur bæði venjulegar og sætkartöflufranskar, bearnaise og Phil´s dipp sauce. Ég komst varla heim því ég var svo södd.

Síðast en ekki síst er nýjasti uppáhalds veitingastaðurinn, PA&Co. Ég get ekki hætt að hugsa um matinn sem við fengum þar, hann var himneskur! Eftir matinn röltum við yfir á Grand hotel og fengum okkur drykk undir lifandi píanóleik og söngi. Útsýnið frá barnum á Grand hotel er æðislegt og sérstaklega á svona fallegum sumarkvöldum.


Fallegasti kokteill sem ég hef séð fengum við á Hotel Kung Carl. Þar eru þaksvalir sem fáir vita um og virkilega notalegt að sitja þar á sumarkvöldum.


Eftir að hafa rölt borgina þvera og endilanga og gengið vel yfir 20 km á laugardeginum settumst við niður á þaksvölunum á Scandic Continental. Það var 23 gráðu hiti, glampandi sól og æðisleg stemning. Skemmtilegur staður með útsýni yfir borgina.

Ég læt hér við sitja í þetta sinn en hér má lesa fleiri ábendingar varðandi Stokkhólm.

 

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

SaveSave

Kjúklingagyros

Þetta var stutt vinnuvika og strax að koma helgi aftur. Gunnar er að keppa annað kvöld og því verður kvöldmaturinn eflaust mexíkósk kjúklingasúpa (já, enn og aftur!) sem ég get útbúið áður en við höldum á völlinn og hitað okkur upp þegar við komum köld heim. Á laugardaginn langar mig hins vegar til að elda kjúklingagyros, því það er jú bara svo gott!

Uppskriftin er einföld og eflaust fá hráefni sem þarf að hlaupa út í búð eftir. Krakkarnir setja kjúklinginn í pítubrauð með sósu og grænmeti en mér þykir líka gott að hafa bara salat með (og síðan stenst ég aldrei franskar kartöflur, sérstaklega ekki ef þær eru djúpsteiktar). Hvíta sósan sem er á myndinni er hvítlaukssósa (ef einhver er að velta því fyrir sér).

Kjúklinga Gyros

Gyros kryddblanda:

  • 2 msk cummin
  • 2 msk paprika
  • 2 msk oregano
  • 1 msk hvítlaukskrydd
  • 1/2 tsk kanil
  • 1/2 tsk salt
  • chillí eftir smekk

Blandið öllu saman.

Kjúklinga gyros:

  • 900 g kjúklingabringur
  • gyroskryddblandan (uppskriftin passar fyrir 900 g af kjúklingi)
  • 1/2 dl ólífuolía
  • safi frá 1/2 sítrónu

Skerið kjúklinginn í strimla og setjið í hreinan plastpoka. Bætið kryddblöndunni, olíu og sítrónusafa saman við. Lokið pokanum og blandið öllu vel saman. Ef þáð gefst tími þá er gott að láta kjúklinginn liggja aðeins í marineringunni (þó ekki nauðsynlegt). Steikið kjúklinginn á heitri pönnu.

Berið fram í pítabrauði með grænmeti og hvítlaukssósu, pítusósu eða tzatziki. Það er líka gott að sleppa brauðinu og bera kjúklinginn fram með góðu salati og jafnvel frönskum kartöflum.

 

Allt hráefni í þessa uppskrift fæst í

SaveSave

SaveSave

SaveSave

SaveSave

SaveSave

SaveSave

SaveSave

SaveSave

Túnfisksalat með kotasælu

Ég reyni að eiga alltaf gott millimál sem er auðvelt að grípa í. Ég á til dæmis alltaf hrökkbrauð í skápnum og mér þykir mjög gott að eiga þetta túnfisksalat í ísskápnum. Bæði hef ég tekið það með mér í vinnuna og borðað í hádeginu eða átt það heima í ísskápnum til að fá mér eftir vinnu. Fljótlegt, hollt og gott!

Túnfisksalat með kotasælu

  • 1 dós túnfiskur
  • 200 g kotasæla
  • 1/2 rauðlaukur, hakkaður
  • 1 msk kapers
  • 2 tsk dijon sinnep
  • 2 egg, hökkuð
  • salt og pipar

Blandið öllu saman.

Allt hráefni í þessa uppskrift fæst í

SaveSave

SaveSave

SaveSave

SaveSave

SaveSave

SaveSave

SaveSave

SaveSave

Baka með sætri kartöflu, spínati og fetaosti

Ég var greinilega ekki með fulle femm þegar ég skrifaði fyrir viku síðan að það væru tveir þriðjudagar eftir af mánuðinum. Mánuðurinn hefur liðið svo hratt að ég var viku á eftir! Í dag er vissulega síðasti þriðjudagur maímánaðar og þar með síðasta græna þriðjudagsfærslan. Í bili alla vega. Ég mun vonandi í framhaldinu vera duglegri í að setja grænmetisuppskriftir hingað inn.

Ég held að það sé óhætt að segja að ég hafi geymt það besta fram í lokin því þessi grænmetisbaka er brjálæðislega góð. Svo góð að ég mun eflaust þreyta fjölskylduna fljótlega með henni eins og ég gerði á sínum tíma með plokkfiskinn. Ég fékk feikna mikið æði fyrir plokkfiski hér um árið og eldaði hann svo oft að á endanum sögðu krakkarnir hingað og ekki lengra. Þau fá enn hroll við tilhugsunina um plokkfisk. Þetta gæti mögulega endurtekið sig með þessa böku því ég fæ ekki nóg af henni. Þið bara verðið að prófa!

Baka með sætri kartöflu, spínati og fetaosti

Botninn

  • 3 dl hveiti
  • 100 g smjör
  • 3 msk vatn

Hitið ofninn í 225°. Blandið hráefninu í botninn saman þannig að það myndi deigklump, fletjið hann út og fyllið út í bökumót (líka hægt að nota venjulegt kökuform). Forbakið í ca 10 mínútur.

Fylling:

  • 1 sæt kartafla (meðalstór)
  • krydd eftir smekk (ég var með Best á allt, Ítalska hvítlauksblöndu, salt og pipar)
  • 1 laukur
  • 2 hvítlauksrif
  • 2 handfylli af spínati
  • 2 msk balsamik edik
  • 2 egg
  • 2 dl mjólk
  • 150 g fetakubbur, mulinn í bita
  • handfylli af cashew hnetum

Skerið sætu kartöfluna í teninga, veltið upp úr ólífuolíu og kryddið. Bakið við 180° í 20 mínútur.

Hakkið lauk og hvítlauk. Hitið pönnu yfir miðlungsháum hita, bræðið smjör á pönnunni og bætið svo lauk og hvítlauk á hana. Steikið þar til mjúkt. Bætið spínati á pönnuna og steikið áfram í um 2 mínútur. Bætið þá balsamik ediki saman við og kryddið með salti og pipar. Steikið allt saman í um 2 mínútur, takið svo af hitanum og látið standa aðeins.

Hrærið saman mjólk og egg.

Setjið helminginn af sætu kartöflunum í botnin á bökubotninn. Setjið lauk- og spínatblönduna, fetaost og cashew hneturnar yfir. Ef það er pláss, stingið þá fleiri sætum kartöflum í bökuna (ef það verður afgangur þá er um að gera að geyma restina t.d. út á salat eða til að eiga sem meðlæti). Hellið eggjablöndunni yfir. Bakið í 35-40 mínútur við 180°. Ef bakan fer að dökkna þá er gott að setja álpappír yfir hana.

Berið fram með góðu salati.

Allt hráefni í þessa uppskrift fæst í

 

SaveSave

Föstudagur

Mikið var ljúft að fá tvo föstudaga í einni og sömu vikunni. Á miðvikudagskvöldinu (sem var hálfgert föstudagskvöld þar sem það var frídagur daginn eftir) var ég sofnuð fyrir ellefu en er öllu brattari í kvöld. Við erum búin að borða mexíkóska kjúklingasúpu (í milljónasta skipti, en hver að telja!) og ætlum að eiga rólegt kvöld yfir sjónvarpinu. Vinsælasta sjónvarpssnarlið er Nutellaídýfan, ég hef þegar sett uppskriftina hingað inn en hún er bara svo góð að hún þolir vel að birstast aftur!

Nutellaídýfa – uppskrift frá Mitt Kök

  • 2,25 dl rjómi
  • 2,25 dl rjómaostur (ég var með frá Philadelphia)
  • 1,5 – 2 dl Nutella
  • 3 msk flórsykur

Þeytið rjómann loftkenndan og léttann. Setjið rjómaost og flórsykur í aðra skál og hrærið saman. Hrærið Nutella saman við rjómaostinn. Hrærið að lokum þeytta rjómanum varlega saman við.

Setjið í skál og berið fram með ávöxtum, berjum og/eða banana.

 

Allt hráefni í þessa uppskrift fæst í

Gratínerað sveppabrauð

Eftir að ég byrjaði á grænu þriðjudagsfærslunum finnst mér alltaf vera þriðjudagur. Þetta er skemmtilegt verkefni sem gerir það að verkum að ég vel betur grænmetisréttina sem ég elda hér heima. Ég fæ ekki betur séð en að það falli vel í kramið hjá öllum fjölskyldumeðlimum. Það eru enn tveir þriðjudagar eftir í mánuðinum þannig að fjörið heldur áfram.

Ég les reglulega vefsíðuna Cup of Jo og það var einmitt þar sem ég datt niður á þessa uppskrift af gratíneruðu sveppabrauði. Uppskriftin kemur frá Deb sem heldur úti blogginu Smitten Kitchen og ég hafði gaman af að lesa það sem hún skrifar við færsluna, sérstaklega þar sem hún vísar til sveppabrauðsins á Buvette, sem er dásamlegur lítill staður sem við Hannes borðuðum morgunverð á í París sl. haust. Ég fékk mér þó ekki sveppabrauðið þar og get því lítið tjáð mig um gæði þess, en þetta gratíneraða sveppabrauð var hins vegar dásamlega gott og skammlaust hægt að bjóða upp á sem kvöldverð þar sem það er ansi matarmikið. Þeir sem vilja geta haft salat eða ofnbakaða sætkartöflubita með en við létum okkur brauðið duga eitt og sér. Stórgott!

Gratínerað sveppabrauð (uppskriftin gefur 4 stórar sneiðar)

Sósan:

  • 2 msk (30 g) smjör
  • 2 tsk (15 g) hveiti
  • 3/4 bolli (175 ml) mjólk
  • smá múskat
  • salt og pipar
  • 1 msk (15 g) Dijon sinnep

Hitið stóra pönnu við miðlungsháan hita. Bræðið smjör á pönnunni og hrærið hveiti saman við þar til blandan er kekkjalaus. Hrærið mjólkinni smátt og smátt saman við. Kryddið með múskat, salti og pipar og látið sjóða við vægan hita í nokkrar mínútur. Blandan á að vera þykk. Setjið blönduna í skál og hrærið Dijon sinnepinu saman við.

Sveppirnir:

  • 680 g ferskir sveppir (ég var með blöndu af venjulegum og kastaníusveppum)
  • ólífuolía og smjör
  • 2 tsk hakkaðar ferskar kryddjurtir, t.d. rósmarín, timjan eða salvía (ég var líka með ítalska hvítlauksblöndu frá Pottagöldrum)
  • salt og pipar

Skerið sveppina í þunnar sneiðar. Notið pönnuna sem sósan var gerð í (þurrkið hana fyrst aðeins með eldhúspappír) og hitið ólífuolíu og smjör á henni. Þegar pannan er orðin vel heit er helmingurinn af sveppunum settur á hana ásamt kryddurtum og látið sveppina brúnast á annarri hliðinni í 2-3 mínútur. Hrærið þá í sveppunum og steikið áfram þar til þeir eru orðnir mjúkir og allur vökvi er horfinn af pönnunni. Kryddið vel með salti og pipar. Gerið eins við seinni helminginn af sveppunum.

Samsetning

  • Gott brauð, t.d. súrdeigsbrauð, skorið í um 2 cm þykkar sneiðar
  • 225 g grófrifinn ostur, t.d. gouda
  • steinselja til skrauts

Hitið ofninn í 200° og leggið brauðsneiðarnar á smjörpappírsklædda ofnplötu. Smyrjið vel af sósunni yfir brauðið (passið að smyrja þær alveg út í endana). Setjið vel af sveppum yfir og endið á að setja vel af rifnum osti yfir. Bakið í 5 – 10 mínútur eða þar til osturinn hefur bráðnað og byrjað að brúnast aðeins. Stráið steinselju yfir og berið strax fram.

 

Allt hráefni í þessa uppskrift fæst í

Big Mac hamborgarasósan

Síðasta sumar gekk uppskriftin af Big Mac hamborgarasósunni um netheima og það var ekki fyrr en um daginn, þegar ég gerði halloumi hamborgarana, að ég lét verða af því að prófa hana. Hún var geggjuð! Mig grunar að ég eigi eftir að hræra í margar svona í sumar.

Big Mac hamborgarasósan

  • 1 dl majónes (Hellmanns)
  • 2 msk fínhökkuð sýrð gúrka
  • 1 msk gult sinnep
  • 1 tsk hvítvínsedik
  • 1 tsk hvítlaukskrydd
  • 1 tsk laukkrydd
  • 1 tsk paprikukrydd

Blandið öllu saman. Tilbúið!

Allt hráefni í þessa uppskrift fæst í

 

Apple Crisp Smoothie

Eftir að ég skálaði með græna safanum mínum á Insta stories í byrjun vikunnar hef ég verið að fá fyrirspurnir um hvað ég sé með í drykknum. Svarið er hér. Ég sleppi þó banananum, nota möndlumjólk og hreina vanillu (ekki dropa), set vel af cayenne pipar og bæti vatni við uppskriftina til að þynna safann.

Mæli með þessu!

 

 

 

Halloumi hamborgarar

Það gleður mig að sjá hvað margir eru ánægðir með grænu þriðjudagsfærslurnar. Það vita eflaust allir sem lesa hér reglulega að ég er ekki grænmetisæta og ég hef engin plön um að hætta að borða kjöt. Ég hef þó lengi reynt að hafa að minnsta kosti einn kjötlausan dag í viku (sem er náttúrlega ósköp lítið mál) og þegar það var óskað eftir fleiri grænmetisuppskriftum ákvað ég að lífga aðeins upp á þann uppskriftaflokk hér á síðunni. Það eru svo margir duglegir í grænmetisfæðinu og um daginn fékk ég póst frá einni sem var með kjötlaust heimili í fyrra sem sagðist oft hafa breytt kjötréttum af síðunni í grænmetisrétti, t.d. með því að nota nýrnabaunir í stað kjúklings í mexíkósku kjúklingasúpunni, svartar baunir eða pintóbaunir í tacolasagnað og grænmeti í aðrar lasagna uppskriftir. Mér þóttu þetta stórgóðar ábendingar og mátti til að koma þeim á framfæri.

Grænmetisuppskrift dagsins er ekki af verri endanum, halloumi hamborgari. Hann gefur hefðbundnum hamborgurum ekkert eftir!

 Halloumi hamborgarar (uppskriftin gefur 3 borgara)
  • 1 pakkning halloumi (250 g)
  • 250 g gulrætur
  • 1/2 tsk salt
  • 2 egg
  • 1 dl brauðraspur
  • chili explotion krydd

Rífið ostinn og gulræturnar og setjið í skál ásamt öllum hinum hráefnunum. Látið standa í 5 mínútur. Mótið 3 hamborgara og steikið í smjöri þar til komnir með góða steikingarhúð.

 

Allt hráefni í þessa uppskrift fæst í

 

Jógúrtís með granóla og berjum

Síðan ég rakst á sænsku Paulúns vörurnar síðastliðið haust og fékk samstundis gífurlegt nostalgíukast, hef ég byrjað ófáa dagana með skál af AB-mjólk með Paulúns múslí eða granóla. Ég sé til þess að eiga alltaf kassa bæði hér heima og í vinnunni til að geta sett út á Ab-mjólk eða gríska jógúrt þegar ég er svöng. Mér þykir það fljótlegt og gott en bæði múslíið og granólað er það besta sem ég hef keypt. Ég held enn í vonina að sjá fleiri vörur frá Paulúns bætast í hillur verslanna.

Í veðurblíðunni sem var hér um síðustu helgi, og hvarf því miður jafn skjótt og hún kom, bjó ég til íspinna úr grískri jógúrt sem ég bætti granóla og bláberjum í. Þeir vöktu mikla lukku og voru fljótir að klárast. Íspinnarnir eru í raun frábær morgunverður og sniðugir sem millimál því múslíið er ekki með viðbættum sykri og því hægt að gefa krökkunum þá í morgunmat eða eftir skóla með góðri samvisku. Einfalt og súpergott!

Jógúrtís með granóla og berjum

  • 2 dl grísk jógúrt
  • ½ tsk vanillusykur eða vanilluduft
  • 2 tsk hunang
  • fersk ber, t.d. bláber eða hindber
  • Paulúns granola með kakó og hindberjum
  • ísform (fást t.d. fyrir lítinn pening í Ikea)

Blandið saman grískri jógúrt, vanillusykri og hunangi. Setjið á víxl í ísform jógúrtblönduna, granóla og ber. Sláið ísformunum nokkrum sinnum í borðið til að loftið fari úr þeim og setjið svo í frysti.

 

Allt hráefni í þessa uppskrift fæst í