Það er fátt jafn notalegt og að dunda sér í eldhúsinu um helgar og baka eitthvað gott til að eiga með helgarkaffinu. Um daginn gerði ég M&M kökur sem voru svo æðislega góðar að ég má til með að setja þær hingað inn ef einhver er í baksturshugleiðingum í dag.
M&M kökur (uppskriftin gefur 40-45 kökur)
- 200 g smjör
- 200 g púðursykur
- 200 g sykur
- 2 egg
- 2,5 tsk vanilludropar
- 365 g hveiti
- 1 tsk maldonsalt
- 1 tsk matarsódi
- 1 tsk lyftiduft
- 300 g M&M (í brúna pokanum)
Hitið ofninn í 175°.
Hrærið saman smjör, púðursykur og sykur. Hrærið eggjum og vanilludropum saman við.Bætið hveiti, salti, matarsóda og lyftidufti í blönduna og hrærið varlega saman þar til allt hefur blandast vel. Hrærið helmingnum af M&M út í deigið.
Kælið deigið í ísskáp í klukkutíma.
Rúllið deiginu í kúlur á stærð við golfbolta og rúllið þeim upp úr M&M. Raðið 6 kökum í einu á ofnplötu með bökunarpappír (þær renna út í ofninum) og bakið í um 15 mínútur. Látið kökurnar kólna á grind.
Ljúfmeti og lekkerheit 