Síðasta laugardag bakaði ég æðislegt brauð sem við lifðum á yfir helgina. Ég nýt enn góðs af því og sit hér með morgunmatinn minn yfir tölvunni, nýristaða brauðsneið með miklu smjöri og osti. Uppskriftin er nefnilega svo stór að það er upplagt að skera brauðið niður og frysta það á meðan það er enn svolítið volgt. Klikkgott!
Sýrópsbrauð
- 1 líter súrmjólk eða ab-mjólk
- 400 g rúgmjöl
- 600 g hveiti
- 3 dl sýróp
- 4 tsk matarsódi
- 2 tsk lyftiduft
Setjið súrmjólk og sýróp í stóra skál og hrærið saman þar til hefur blandast vel. Bætið öllum öðrum hráefnum í og hrærið saman í kekkjalaust deig. Setjið deigið í smurt (eða bökunarpappírsklætt) eldfast mót í stærðinni 25 x 30 cm. Látið inn í kaldann ofn. Kveikið því næst á ofninum og hitið hann upp í 150°. Bakið brauðið í um klukkustund frá því að það er sett inn í kalda ofninn. Ef þið notið hitamæli í brauðið þá er það tilbúið við 97°.
Ljúfmeti og lekkerheit 
Í mínum ofni þurfti það 2 og 1/2 klst. þar til mælirinn sýndi 97 gráður. Mjög gott brauð, geri það örugglega oftar.
þarf ekkert salt.