Nachos í ofnskúffu

Það er júrovisjónhelgi framundan og á slíkum kvöldum þykir mér maturinn yfir sjónvarpinu nánast mikilvægari en sjónvarpsefnið sjálft. Það er jú lítið varið i júróvisjónkvöld án veitinga! Ég vil hafa góðan en einfaldan mat, sem krefst ekki hnífapara og hægt er að borða auðveldlega yfir sjónvarpinu. Síðan vil ég hafa skálar stútfullar af snakki og nammi. Og nóg af gosi. Hér má hvergi spara!

Um síðustu helgi vorum við með notalegan mat á föstudagskvöldinu sem við borðuðum yfir sjónvarpinu. Ég gerði einfalt nachos í ofnskúffu sem tók enga stund að útbúa. Með nachosinu var ég með salsa, guacamole (ég gerði mér einfalt fyrir og keypti ferskt guacamole í Hagkaup), heita ostasósu og sósu sem ég gerði úr sýrðum rjóma (uppskriftin er hér fyrir neðan). Þetta var svo gott að það gat enginn hætt fyrr en fatið var tómt. Þetta þykir mér vera frábær júróvisjónmatur. Það er einfalt að gera tvöfalda uppskrift ef boðið er fjölmennt og ég held að flest öllum þyki þetta gott. Þetta getur varla klikkað!

 

Nachos í ofnskúffu (uppskrift fyrir ca 4-5)

  • nachosflögur
  • 500 g nautahakk
  • 1 bréf tacokrydd
  • 1 krukka tacosósa (230 g)
  • jalapenos
  • 1 poki rifinn ostur (ca 250 g)

Setjið nachosflögurnar í ofnskúffu með bökunarpappír. Steikið nautahakkið og kryddið með tacokryddinu. Hellið tacosósunni yfir og blandið vel saman. Setjið nautahakkið og jalapenos yfir nachosið og stráið rifnum osti yfir. Setjið í 200° heitann ofn í 5-10 mínútur, eða þar til osturinn hefur bráðnað.

Köld sósa:

  • 2 dl sýrður rjómi
  • 1 tsk paprikukrydd
  • 1/2 tsk chilikrydd
  • salt og pipar
  • ítalskt salatkrydd

Hrærið sýrðum rjóma, paprikukryddi og chilikryddi saman og smakkið til með salti, pipar og ítölsku salatkryddi. Látið standa í ísskáp í smá stund.

Allt hráefni í þessa uppskrift fæst í

Nachos og listi yfir jólabíómyndir

Nachos og listi yfir jólabíómyndir

Það hefur myndast sú hefð hér heima að horfa saman á jólamyndir á aðventunni. Þetta eru notalegar stundir sem okkur þykir öllum vænt um og eru orðnar stór þáttur í jólaundirbúningnum. Undanfarin ár hef ég safnað saman lista yfir jólamyndir og mér datt í hug að setja hann hingað inn ef fleiri geta notið góðs af. Sumar þeirra horfum við á ár eftir ár, á meðan aðrar hanga óséðar á listanum. Þegar kemur að jólabíómundum vilja margir meina að Die Hard 1 sé besta jólamynd allra tíma en ég á erfitt með að taka undir það. Sjálf vel ég The Holiday, Love Actually eða Bridget Jones alla daga fram yfir Die Hard. Hvað krakkana varðar þá held ég að National Lampoon´s christmas vacation, Christmas with the Kranks og Home alone séu í uppáhaldi. Hér kemur listinn og hver mynd er með link á IMDb svo hægt sé að kynna sér þær betur:

Nú þegar líður að annarri aðventuhelginni eru eflaust einhverjir farnir að huga að helgarmatnum. Jakob gerði matarmikið nachos um daginn með nautahakki, ostasósu, salsa og guacamole sem var svo æðislega gott að ég má til með að benda á uppskriftina. Ég kaupi ferskt guacamole í Hagkaup og hef staðið í þeirri trú að það fáist bara á föstudögum en mér til mikillar gleði sá ég það í Hagkaup í Smáralind í gær. Það er því vonandi farið að fást daglega. Við borðuðum nachosið yfir sjónvarpinu og mér finnst alveg upplagt að bjóða upp á það yfir jólamynd annað kvöld. Mín besta tillaga er að hendast í sturtu strax eftir vinnu, fara í náttfötin og koma sér síðan vel fyrir í sjónvarpssófanum yfir jólamynd og með nachos í kvöldmat. Í eftirrétt er hægt að hafa nammi. Notalegheit í hæstu hæðum!

Nachos og listi yfir jólabíómyndir

Nachos

1 pakki nautahakk
1 poki Santa Maria taco krydd
1 poki Tostitos (við vorum með eitthvað annað merki)
1 stk Tostitos ostasósa
1 krukka Santa Maria jalepeno (hægt að sleppa)
1 pk pizzaostur
1 stk sýrður rjómi 18%
1 stk Tostitos salsa
Guacamole

Steikið nautahakkið á pönnu og kryddið með Taco kryddinu. Raðið Tostitos flögum í eldfast mót og setjið nautahakk, jalapeno og ostasósu vítt og dreift á flögurnar. Gott er að láta enda á flögunum standa uppúr, þannig að auðvelt er að grípa í eftir eldun. Toppið nachosið með pizzaostinum og setjið í ofn í 8-10 mín á 180° eða þangað til osturinn bráðnar. Sýrði rjóminn, Tostitos salsa og Guacamole er sett á réttinn eftir eldun.
Nachos og listi yfir jólabíómyndirNachos og listi yfir jólabíómyndirNachos og listi yfir jólabíómyndirNachos og listi yfir jólabíómyndir
Allt hráefni í þessa uppskrift fæst í
HAGKAUP