Ég sá frosinn lax í Ikea um daginn og varð forvitin að smakka hann. Þegar ég kom heim fór laxinn í frystinn og allur áhugi fyrir því að elda hann hvarf eins og dögg fyrir sólu. Ég veit ekki hvernig mér datt í hug að frosinn lax úr Ikea gæti verið spennandi og satt að segja var hann bara fyrir mér þarna í frystinum.
Ég ákvað að fyrst ég er á annað borð að hreinsa úr skápunum að elda laxinn til að losna við hann. Ég átti líka rjómapela í frystinum sem ég vildi líka losna við. Pestó og sýrðan rjóma átti ég í ískápnum. Það varð lygilega góður réttur úr þessum fáu hráefnum og Gunnar sagði að þetta væri í fyrsta skipti sem honum þykir lax svona góður.
Ofnbakaður lax í pestórjómasósu
- 1 dl rjómi
- 2 ½ dl sýrður rjómi
- 1 teningur fiskikraftur
- 2 msk rautt pestó
- pipar og salt
- Lax
Hitið ofninn í 180°. Leggið laxinn í eldfast mót. Setjið rjóma, sýrðan rjóma, fiskkraft og rautt pestó í pott og hitið að suðu. Látið sjóða saman í nokkrar mínútur og smakkið til með salti og pipar. Hellið sósunni yfir laxinn og setjið í ofninn í 25 mínútur.
Ljúfmeti og lekkerheit 
Eldaðir þú laxinn og rjómann frosinn ?
Nei, ég lét bæði laxinn og rjómann þiðna áður.
En spennandi,hvað ætli kíló verðið sé á laxinum í Ikea?
Prófaði þennan í kvöld reyndar með þorskhnakka – algerlega ómótstæðileg uppskrift
Ég prófaði þessa uppskrift með ýsu…alveg ótrúlega góð 🙂
Langar að prófa þennan með þorsk, ætli eldunartíminn sé sá sami? þ.e.a.s. 25 mín í ofninum?
mjög líklega 🙂
Mjög góður og einfaldur. Bara elska þannig uppskriftir 🙂
Er að gera þennan rétt í annað skipti. Hann er alveg dásamlegur. Takk fyrir mig.
Ég geri þennan reglulega…er mjög mikið uppáhalds hjá fjölskyldunni 🙂