Oreo súkkulaðikaka

Ég er búin að vera ein heima síðan á miðvikudag og því óhætt að segja að páskafríið í ár hafi byrjað rólega. Ég hef lítið annað gert en að dunda mér hér heima. Í gær dreif ég mig síðan í búðina og verslaði inn fyrir páskana og um kvöldið fórum við Hannes og fengum okkur sushi og litum síðan í heimsókn til vina. Í dag koma strákarnir heim og í kvöld sækum við Malínu og Oliver út á flugvöll en þau hafa eytt vikunni í Kaupmannahöfn. Það sem mig hlakkar til að fá alla heim!

Ég bakaði svo góða köku um daginn sem mér datt í hug að setja hingað inn ef einhver sem er ekki kominn með nóg af súkkulaði (er það annars hægt?) er að leita af góðum eftirrétti. Kakan er bara svo dásamlega góð að það nær engri átt. Blaut í sér og mjúk. Mín vegna má sleppa Oreo kexinu í henni en krakkarnir taka eflaust ekki undir það. Þau elska allt með Oreo! Kexið gefur kökunni þó kröns sem fer vel á móti dúnmjúkri kökunni.

Oreo súkkulaðikaka

  • 200 g suðusúkkulaði
  • 150 g smjör
  • 175 g púðursykur
  • 4 egg
  • 5 msk hveiti
  • 1 tsk salt
  • 1 pakki Oreo (gott að nota með tvöfaldri fyllingu), sparið nokkrar kexkökur ef þið viljið setja yfir kremið

Hitið ofn í 180°. Hrærið egg og púðursykur saman. Bræðið smjör og súkkulaði saman í potti og blandið við eggja- og púðursykurblönduna. Hrærið hveiti og salti saman við (athugið að þeyta ekki). Hakkið Oreokexið og blandið helmingnum af því þeim í deigið. Setjið deigið í form (24 cm) og stráið seinni helmingnum af Oreokexinu yfir. Bakið í 30 mínútur.

Krem

  • 100 g mjúkt smjör
  • 50 g sigtað kakó
  • 200 g flórsykur
  • 1 tsk vanillusykur
  • ½ dl mjólk

Hrærið smjör og kakó saman í skál. Hrærið flórsykri og vanillusykri saman við. Bætið mjólkinni smátt og smátt saman við þar til réttri áferð er náð. Hrærið áfram í nokkrar mínútur, svo deigið verði létt í sér og mjúkt. Setjið yfir kalda kökuna.

Allt hráefni í þessa uppskrift fæst í

 

Ein hugrenning um “Oreo súkkulaðikaka

  1. Lumar þú á einhverju pro tips-i við að koma svona blautri köku úr smelluformi yfir á kökudiskinn? Og einnig, notar þú smjörpappír í formið eða smyrðu það?

    Takk annars fyrir frábært bloggi, ætli ég hafi ekki notað um 50 uppskriftir héðan, þvílík snilld 🙂

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s