Eins dásamlegt og það er að grilla á kvöldin og bera veislumat á borð þá er alltaf jafn gott að fá hversdagsmatinn inn á milli. Þessi fiskréttur vakti ánægju hjá allri fjölskyldunni og verður klárlega gerður aftur innan skamms. Allt í einni pönnu og gæti varla verið einfaldari. Frábær hversdagsréttur!
Fiskur í ljúffengri sósu – uppskrift frá Arla
- 600 g þorskur
- 900 g kartöflur
- 1 gulur laukur
- 2 hvítlauksrif
- 2 gulrætur
- 1 msk olía
- 1 dós kirsuberjatómatar (400 g)
- 2 1/2 dl matreiðslurjómi
- örlítið af cayennepipar
- 1 msk dijonsinnep
- 2 msk tomatpuré
- 2 msk sykur
- 2 tsk steinselja
- salt och pipar
Sjóðið kartöflurnar. Hakkið lauk og hvítlauk, skerið gulrætur í sneiðar. Steikið lauk, hvítlauk og gulrætur í olíu á djúpri pönnu eða í potti. Bætið tómötum, matreiðslurjóma, cayennepipar, dijonsinnepi, tomatpuré, sykri og steinselju á pönnuna/í pottinn og látið sjóða í 5 mínútur. Skerið fiskinn í bita og bætið honum á pönnuna/í pottinn. Látið sjóða í 5-6 mínútur. Smakkið til með salti og pipar. Berið fram með soðnum kartöflum.
Ljúfmeti og lekkerheit 
Sent from Samsung Mobile
Þvílíkur dásemdar veislumatur
Hæ ég vill þakka frábærar uppskriftir þá aðalega af fisk, ég hef gert þennan nokkru sinnum og langar að spyrja þig þar sem ég er með 12 manns í mat hvort það er hægt að setja hann í eldfast mót og í ofn hvað það tæki langann tíma að hafa hann inni ef ég geri allt á pönnu og set allt í eldfast mót útí og inní ofn.?
https://ljufmeti.com/2015/07/07/fiskur-i-ljuffengri-sosu/?blogsub=confirming#blog_subscription-3
kær kveðja Ríkey