Ég furða mig stundum á því hvað ég get látið mig dreyma um hluti í langan tíma án þess að fjárfesta í þeim. Ég veit til dæmis ekki hvað mig hefur lengi langað í góðan steypujárnspott og hversu oft ég hef skoðað þá, án þess að kaupa mér slíkan. Ég á einn fínan úr Ikea en hann er full lítill og mig hefur langað í stærri pott. Pott sem ég get eldað kvöldmat fyrir fjölskylduna í.
Að því sögðu get ég nú glöð sagt frá að það flutti nýr steypujárnspottur inn í eldhúsið mitt á dögunum. Hann er æðislegur! Frábært að elda í honum og fallegur á borði. Fyrir valinu varð pottur frá Pyrex, en þeir voru þróaðir í samstarfi við NASA og þola frá -40°upp í 800°hita! Pottarnir eru að fá svo frábæra dóma og eftir að ég rakst á þá í Hagkaup fannst mér spennandi að slá til. Þeir eru frábærir til að hægelda mat en einnig til að baka ofnbrauð, eins og t.d. New York times-brauðið góða.
Fyrsti rétturinn sem ég eldaði í pottinum langþráða var boeuf bourguignon, sem fékk að hægeldast yfir daginn og almáttugur minn eini hvað rétturinn var góður. Ég bar réttinn bara fram með heimagerðri kartöflumús enda þurfti ekki meira meðlæti. Kjötið bráðnaði í munni og sósan var dásamlega bragðgóð.
Boeuf bourguignon – uppskrift fyrir 6
- 1 kg nautahnakki
- 200 g beikon
- 1 laukur
- 2 hvítlauksrif
- 4 dl rauðvín
- 2 msk tómatpúrra
- 2 nautateningar
- vatn (ca 6 dl, eða eins og þarf til að rétt fljóta yfir kjötið)
- 10 sveppir
- 5 perlulaukar
- ólífuolía og smjör
- salt og pipar
- 2 lárviðarlauf
- 1/2 tsk timjan
- steinselja
Ljúfmeti og lekkerheit 
Nautahnakki fæst ekki í hvaða Hagkaupsverslun sem er greinilega, og ekki í hvaða kjötbúð sem er með neinum fyrirvara. Sem betur fer var farið að leita að hnakka með góðum fyrirvara. Ein kjötbúð gat reddað þessu fyrir helgina þegar var byrjað að leita að þessu á þriðjudegi og það var bara með hjálp google og útskýringarmynd (greinilega ekki mikið selt hér á landi). Hlakka til að prófa þetta á morgunn þegar ég tek á móti sex manns í matarboð (krossa fingur og signa mig að þetta takist þokkalega, í versta falli pöntuð Domino´s).
Í alvöru? Ég rakst á nautahnakkann í Hagkaup í Kringlunni, meira að segja á tilboði. Mikið vona ég að þú verðir ánægður með réttinn og sleppir við að panta pizzuna. Að þetta vesen verði þess virði!
>
Sæl Svava. Getur þú sagt mér hvaða tegund/stærð af Pyrex potti þetta er? Ég er búin að vera að velta fyrir mér hentugri stærð af svona tegund af potti en kemst ekki að niðurstöðu. Var fyrir það fyrsta alveg föst í Le Creuset en gat ekki réttlæt kaup á potti fyirr 30-40 þúsund. Í öðru lagi veit ég ekki hvaða stærð myndi henta best fyrir mína 4ja manna fjölskyldu og mögulega matarboð með 6-8 manns?
Þegar ég loksins eignast svona pott, þá verður þetta fyrsta uppskriftin til að prófa!
Í hvaða Hagkaupsversun fékkstu pottinn og já hvaða stærð?
Næst stærsta eða stærsta týpan. Hef séð þá bæði í Hagkaup í Garðabæ og í Smáralind 🙂
Takk fyrir upplýsingarnar, Svava.
Ég gerði verðkönnun en þessir pottar fást einnig í Fjarðarkaupum.
3,6 L og 3,8 L eru til í Fjarðarkaupum, rétt eins og í Hagkaup, en eru 4-5 þúsund kr. ódýrari þar. Stærri gerðir, eins og 5,8 L og 6,3 L fást í Hagkaup líka.
En hvað sem því líður þá ætla ég að prófa þessa tegund þar sem hún er umtalsvert ódýrari en Le Creuset sem ég er ekki alveg tilbúin að fjárfesta í.
Æ, fyrirgefðu hvað ég svara seint. Þetta hefur eitthvað farið framhjá mér. Ég held að potturinn minn sé næst stærsta eða stærsta týpani. Var að skoða hann en það stendur ekki á honum! Ef ég man rétt þá kostaði hann um 20 þúsund. Er svakalega ánægð með hann.