Bláberjasmoothie

 

BláberjasmoothieEins og ég hef gaman af því að prófa nýjungar í matargerð þá er ég fáránlega einhæf í morgunmatnum á virkum dögum. Um helgar nýt ég þess að byrja dagana á nýbökuðum pönnukökur með öllu tilheyrandi en á virkum dögum borða ég það sama dag eftir dag. Ég veit ekki hversu lengi ég byrjaði dagana á hrökkbrauði með osti og heilsusafa, enn lengur á hafragraut með allt of miklum kanil og mig grunar að nýjasta æðið muni slá öll vinsældarmet hjá mér, bláberjasmoothie. Mér þykir það sjúklega gott!

Bláberjasmoothie

Það líða nákvæmlega 5 mínútur frá því að ég stíg inn í eldhúsið á morgnana þar til ég er búin að gera drykkinn, setja hann í töskuna mína og ganga frá í eldhúsinu eftir mig. Ég tek hann alltaf með mér og drekk ýmist í bílnum á leiðinni í vinnuna eða þegar ég er komin þangað. Þá er klukkan 8 og drykkurinn stendur með mér til hádegis. Ég elska hann fyrir það! Á hrökkbrauðstímabilinu var ég alltaf orðin svöng aftur um klukkan 10 og fannst það glatað.

BláberjasmoothieHér áður fyrr forðaðist ég að nota blandarann minn því mér þótti svo leiðinlegt að þvo hann. Ég lærði síðan aðferð við þvo hann á svipstundu og síðan þá hefur hann verið í stöðugri notkun. Trixið er að um leið og ég er búin að nota blandarann þá skola ég hann snögglega upp úr heitu vatni, set síðan vatn í hann svo rétt nái yfir hnífinn í botninum, nokkra dropa af uppþvottalaugi og skelli síðan blandaranum aftur í gang í nokkrar sekúndur. Síðan skola ég sápuna bara úr og læt skálina þorna.

Bláberjasmoothie

Þar sem ég tek drykkinn alltaf með mér á morgnana þá fór ég á stúfana eftir góðu íláti sem ég gæti áhyggjulaust haft í töskunni án þess eiga hættu á að það myndi leka. Vinkona mín benti mér á að bestu ílátin undir svona drykki væru frá Lock & Lock. Þau fást í Hagkaup og kosta undir 700 krónum. Uppskriftin passar akkúrat í ílátið og ég hendi því óhrædd í töskuna mína eins og vinkona mín segist gera með sitt. Það hefur aldrei lekið dropi úr því!

Bláberjasmoothie

  • 3 dl létt AB-mjólk
  • 1 ½ dl frosin bláber
  • 1/2 banani
  • 1½ msk chia fræ

Allt sett í matvinnsluvél og unnið vel saman.

Allt hráefni í þessa uppskrift fæst í

HAGKAUP

 

3 athugasemdir á “Bláberjasmoothie

  1. Vá hvað basiliku og parmesan tómatsúpan hjá þér sló í gegn í kvöld, Er 22 ára og hef aldrei búið til súpu áður frá grunni og ákvað að gera það í kvöld og bjóða fólki í mat og þessi súpa náði að heilla alla og var svo gríðalega bragðmikil og góð að hún kláraðist og við vorum 3 haha liggjum núna öll upp í sófa að bíða eftir plássi fyrir skúffuköku sem ég bakaði einnnig eftir uppskrift af síðunni þinni 🙂 , þessi síða hjá þér er æði mun halda áfram að nýta mér hana og gera góðann mat.

    Takk fyrir okkur og eigðu góðann dag 🙂 kv Ásgeir

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out /  Breyta )

Google+ photo

You are commenting using your Google+ account. Log Out /  Breyta )

Twitter picture

You are commenting using your Twitter account. Log Out /  Breyta )

Facebook photo

You are commenting using your Facebook account. Log Out /  Breyta )

Tengist við %s