Yfir Eurovision um síðustu helgi bauð ég upp á æðislegt tacogratín sem vakti rífandi lukku og ég mun setja uppskrift af hingað inn fljótlega. Það var þó eftirrétturinn sem stal senunni, Nutellaís! Einfaldasti og besti ís í heimi! Þessi er ávanabindandi…
Ísinn var dásamaður í bak og fyrir, og kláraðist að sjálfsögðu upp til agna. Þetta verður ekki einfaldara, aðeins tvö hráefni! Þetta verðið þið að prófa.
Nutellaís
- 5 dl rjómi
- 350 g Nutella
Setjið rjóma og Nutella í skál og þeytið saman þar til létt. Setjið í form og í frysti í amk 6 klst. Berið fram með ferskum berjum.
Ljúfmeti og lekkerheit 
Sæl Svava!
Ég er með smá grillveislu á laugardaginn og er að plana eftirrétt. Hvernig heldur þú að þessi ís myndi sóma sér ofan á marengsbotni (rice krispis marengs kannskI?) og í frysti, sumsé sem smá ísterta? Og kannski setja svo fersk jarðaber ofan á þegar borið er fram? er ég alveg á villigötum hér 🙂
Takk annars fyrir frábært blogg, þú hefur bjargað mörgum veislunum hjá mér 🙂
Svo var eg að prófa þetta aðan og rjóminn og súkkulaðið skildi sig…. Kom voða vökvi ur súkkulaðinu og hitt varð half kekkjott, er eth töfratrikk við þetta? 🙂
En svekkjandi. Notaðir þú örugglega Nutella? Ég lenti nefnilega í því sama þegar ég prófaði að nota Nusica, sem er svipað Nutella en frá öðru merki. Hef ekki lent í þessu þegar ég er með Nutella.
Ég held að það kæmi mjög vel út! Svolítið eins og Nutella semifreddo kakan, uppskriftin af henni er hér: https://ljufmeti.com/2014/06/08/nutella-semifreddo/
Takk fyrir þetta! Það er akkurat það sem ég gerði, þ.e notaði Nusica í stað Nutella! Prófa þetta aftur, núna m Nutella, ekki spr! 🙂