Vikumatseðill

Þessi vika hefur verið ein sú rólegasta í langan tíma og ég hef notið þess að fara beint heim eftir vinnu og eyða því sem eftir er af deginum heima í rólegheitum. Mér þykir svo gott að fá svona daga í algjörri afslöppun. Nú tekur við annasöm og skemmitleg vika með tveimur saumaklúbbum, lakkrísveislu á Kolabrautinni og löngu tímabærri klippingu. Það sem ég hlakka til!

Matseðill vikunnar geymir allt frá ljúffengri fiskuppskrift frá mömmu til himneskrar hnetusmjörsköku sem er í miklu uppáhaldi hjá Ögga. Ef þið hafið ekki smakkað kjúklingaréttinn á föstudeginum þá hvet ég ykkur líka til að prófa hann. Hann vekur alltaf lukku.

Fiskréttur með blaðlauk og sveppum

Mánudagur: Fiskréttur með blaðlauk og sveppum er frábær mánudagsréttur. Uppskriftina fékk ég frá mömmu og rétturinn er ljúffengur eins og allt sem kemur úr eldhúsinu hennar.

Milljón dollara spaghetti

Þriðjudagur: Það á eftir að gleðja krakkana að sjá milljón dollara spaghetti á matseðlinum. Þessi uppskrift var sú vinsælasta á blogginu í fyrra og er sérlega fjölskylduvæn.

Mexíkósk kjötsúpa

Miðvikudagur: Mér þykir þessi mexíkóska kjötsúpa dásamleg og passa vel núna í myrkrinu og kuldanum.

Pasta með púrrulauk og beikoni

Fimmtudagur: Pasta með púrrulauk og beikoni að hætti Jamie Oliver er svo gott að það er tilhlökkunarefni að vita af því á matseðlinum. Ódýr og einfaldur réttur sem kemur virkulega á óvart.

Kjúklingur með karamelluhúðaðri papriku í mangó chutney sósu

Föstudagur: Kjúklingur með karamelluhúðaðri papriku í mangó chutney sósu svíkur engan.

Hnetusmjörskaka

Með helgarkaffinu: Himnesk hnetusmjörskaka sem mun ekki standa lengi á borðinu.

2 hugrenningar um “Vikumatseðill

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s