Vikumatseðill

Þá er annar í aðventu runninn upp og í dag ætla ég að halda í hefðina og vera með aðventukaffi. Nýsteiktar eplaskífur með flórsykri, rjóma og sultu bornar fram með heitu súkkulaði (uppskrift af besta heita súkkulaðinu finnur þú hér) er orðin okkar kærasta aðventuhefð og tilhlökkunin hefst strax á haustin.

Til að halda í aðra hefð kemur hér tillaga að vikumatseðli fyrir komandi viku. Ef það er einhvern tímann gott að vera skipulagður í matarinnkaupum og gera stórinnkaup fyrir vikuna þá er það í desemberamstrinu, þegar það er svo margt skemmtilegra á dagskránni en að ráfa andlaus um búðina eftir vinnu.