Ofnbakaðir kartöfluhelmingar

Ofnbakaðir kartöfluhelmingar

Við krakkarnir ákváðum að fara ekki með Ögga í sjónvarpssal í kvöld heldur buðum mömmu til okkar í heimagerða pizzu og skammarlega mikið af snakki og nammi. Á eftir júróvisjón kemur Öggi heim og þá ætlum við að horfa saman á American Idol. Það er því óhætt að segja að það sé gott sjónvarpskvöld sem bíður okkar.

Ofnbakaðir kartöfluhelmingar

Ég er sérlega spennt fyrir að deila þessari frábæru uppskrift með ykkur. Ég elska kartöflur og hef eldað óteljandi (og misgóða) kartöflurétti í gegnum tíðina. Þegar ég sá þessa uppskrift á Pinterest réð ég varla við mig af kæti því ég var svo viss um að hún væri góð. Það bara lá í augum uppi og ég furða mig á því að ég hafi ekki eldað kartöflur svona fyrr. Þær verða svo stökkar að utan og mjúkar að innan, alveg eins og ég vil hafa þær. Að elda þær upp úr bræddu smjöri í staðin fyrir olíu gerir gæfumuninn.

Ég eldaði kartöfluhelmingana strax daginn eftir að ég sá uppskriftina og bar þá fram með pretzelpylsum sem vakti gífurlega lukku. Síðan þá hef ég eldað þá við hvert tækifæri sem gefst og við fáum ekki nóg af þeim.

Ofnbakaðir kartöfluhelmingar

Ofnbakaðir kartöfluhelmingar

  • 12 kartöflur
  • ½ bolli brætt smjör
  • rifinn parmesan ostur
  • hvítlauksduft
  • önnur krydd eftir smekk (mér þykir gott að nota kryddblöndu með salti, timjan og sítrónu frá Jamie Oliver)

Hitið ofninn í 200°. Skerið kartöflur í tvennt á langhliðina. Bræðið smjör og setjið í botninn á eldföstu formi (passið að hafa formið ekki of stórt, smjörið þarf að fylla vel út í formið) og rífið vel af parmesan osti yfir. Kryddið með öðrum kryddum og raðið kartöflunum í formið með sárið niður í smjörið. Bakið í 40-45 mínútur. Berið fram með sýrðum rjóma.

11 hugrenningar um “Ofnbakaðir kartöfluhelmingar

  1. Maðurinn minn var að gera þessar áðan, hann reyndar setti ferskan hvítlauk í réttinn því við áttum ekki hvítlauksduft, og hann setti rósmarín og timjan krydd á þær. Og vá hvað þær voru góðar og pössu himneskt vel með krónhirtinum 🙂

  2. Bakvísun: Tortillavefjur | Ljúfmeti og lekkerheit

  3. Bakvísun: Vikumatseðill | Ljúfmeti og lekkerheit

  4. Bakvísun: Pulled chicken | Ljúfmeti og lekkerheit

  5. Hef gert þessar nokkrum sinnum og þær eru svo sjúklega góðar. kallinum mínum finnst kartöflur ekki spes en þessar getur hann sko hámað í sig, alveg sjúkur í þær 🙂

  6. Bakvísun: Vikumatseðill | Ljúfmeti og lekkerheit

  7. Bakvísun: BBQ-hamborgarar með karamelluhúðuðum rauðlauk og hvítmygluosti | Ljúfmeti og lekkerheit

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s