Ég elska að koma heim á föstudögum með helgarblóm. Stundum splæsi ég í veglega vendi og oftar en ekki standa þeir fallegir alla vikuna.

Í dag er planið að taka geymsluna í gegn og fara í Epal að kíkja á lampa. Ég er spenntari fyrir því seinna en verð þó fegin þegar geymslan verður orðin fín. Síðan bíða vikuinnkaup. Fyrst af öllu kemur þó vikumatseðillinn!

Vikumatseðill

Mánudagur: Mexíkófiskur

Þriðjudagur: Pulsu- og makkarónuskúffa

Miðvikudagur: Tacos með rauðum linsubaunum

Fimmtudagur: Gúllassúpa með nautahakki

Föstudagur: Kjúklingur í ostrusósu

Með helgarkaffinu: Kanilsykurhúðaðir kleinuhringir

Í morgunn vökuðum við Jakob snemma og gerðum okkur góðan morgunverð. Hér vakna krakkarnir nánast aldrei fyrir hádegi lengur og því um að gera að grípa tækifærið þegar það loksins gefst. Eftir morgunmatinn fór Jakob að læra og ég að skrifa vikumatseðil. Ég er núna fyrst að detta almennilega í rútínu eftir jólin og víst ekki seinna vænna. Ég er með nokkrar góðar uppskriftir sem ég ætla að setja inn í vikunni en fyrst af öllu kemur loksins vikumatseðill!

Vikumatseðill

Mánudagur: Fiskur í ljúffengri sósu

Þriðjudagur: Quiche Lorraine

Miðvikudagur: Kálbúðingur

Fimmtudagur: Pulsupasta sem rífur í 

Föstudagur: Klúbbsamloka með sweet chili majónesi

Með helgarkaffinu: Sænskar pönnukökur

Myndin hér að ofan er frá aðventukaffinu síðasta sunnudag en annar í aðventu þetta árið mun seint fara í sögubækurnar sem jólalegur hér á bæ. Hér hefur aðventukaffinu verið skipt út fyrir fótboltaleik og kvöldverðurinn verður líklegast borðaður í Ikea. Um næstu helgi verða krakkarnir heima og þá mun kveða við annan tón.

Nú liggur leiðin í Hagkaup að gera vikuinnkaupin en áður en við hendumst af stað vildi ég bara óska ykkur gleðilegrar aðventu og setja inn tillögu að vikumatseðli.

Vikumatseðill

Mánudagur: Brasilískur fiskréttur

Þriðjudagur: Hakkabuff með fetaosti

Miðvikudagur: Brokkólí- og sveppabaka

Fimmtudagur: Ómótstæðilegur pastaréttur í einum hvelli

Föstudagur: Þykk og góð mexíkósk kjúklingasúpa

Með helgarkaffinu: Flórentínur

Gleðilega fyrstu aðventu kæru lesendur. Mikið vona ég að lífið sé notalegt hjá ykkur, að aðventukaffið verði gott og dagurinn ljúfur. Hjá okkur býður pizzaveisla í hádeginu, aðventukaffi seinna í dag og The Good Wife maraþon í kvöld. Síðan ætla ég að gera vikuinnkaup á meðan Gunnar er á fótboltaæfingu í dag. Það er engin ástæða til að bregða út af vananum…

Vikumatseðill

Mánudagur: Ofnbakaður fiskur í paprikusósu

Þriðjudagur: Nautahakkschili með cheddarskonsum

Miðvikudagur: Afgangur frá deginum áður

Fimmtudagur: Spaghetti með ofnbökuðu beikoni í hvítlauksolíu

Föstudagur: Klúbbsamloka með sweet chili majónesi

Með helgarkaffinu: Nutellakökur

 

Um næstu helgi hefst aðventan og ég get varla beðið. Krakkarnir bíða spennt eftir hefðbundna aðventukaffinu okkar með nýböuðum eplaskífum með sultu og rjóma og heitu súkkulaði með helling af rjóma og súkkulaðispæni. Ég get ekki hugsað mér neitt betra! Það er þó heil vika í herlegheitin sem þarf að skipuleggja og undirbúa. Ég undirbý vikuna líkt og áður með því að gera vikumatseðil og stórinnkaup. Mér þykir alltaf jafn góð tilfinning að vita af ísskápnum stútfullum fyrir vikuna.

Vikumatseðill

Mánudagur: Þorskur undir krydduðum osta- og rasphjúp

Þriðjudagur: Gúllassúpa með nautahakki

Miðvikudagur: Pulsu- og makkarónuskúffa

Fimmtudagur: Tortillakaka með kjúklingi

Föstudagur: Tortellini með brúnuðu salvíusmjöri

Með helgarkaffinu: Nutellaformkaka

Þar sem ég var í París um síðustu helgi og kom ekki heim fyrr en á þriðjudag fór lítið fyrir vikumatseðlinum þá vikuna, bæði á blogginu og hér heima. Eftir vinnu á miðvikudag og fimmtudag ráfaði ég um búðina og reyndi að láta mér detta eitthvað sniðugt í hug til að hafa í kvöldmat en með glötuðum árangri. Soðinn fiskur og Dominos pizza varð lendingin. Á föstudeginum rofaði til og ég eldaði ljúffengan tælenskan kjúklingarétt sem ég ætla að setja fljótlega inn á bloggið. Til að koma í veg fyrir að vitleysan endurtaki sig hef ég eytt morgninum í að undirbúa matarvikuna. Það sem ég elska vikumatseðla og stórinnkaup!

Vikumatseðill

Mánudagur: Smjörsteiktur þorskur

Þriðjudagur: Brokkólí og sveppabaka

Miðvikudagur: Kjúklingasúpa með tómötum, karrý og epli

Fimmtudagur: Einfalt og stórgott lasagna

Föstudagur: Indverskur Butter Chicken

Með helgarkaffinu: Snickersbitar

Ég sit hér í smá vafa yfir hvort að bloggið mitt verði ennþá til á morgunn. Það kostar nefnilega peninga að halda úti bloggi og þegar bloggið er orðið jafn stórt og mitt þá er það enn dýrara því því það tekur meira pláss. Þegar ég greiddi reikninginn fyrir auka plássið í gær fékk ég tilkynningu um að greiðslan hafi ekki farið í gegn en á sama tíma fékk ég staðfestingu fyrir greiðslunni í símann minn. Ég skil því hvorki upp né niður í þessum misvísandi skilaboðum og verð ekki róleg fyrr en ég fæ botn í málið. Þið látið ykkur því ekki bregða ef bloggið liggur niðri á morgunn, það er þá vonandi bara tímabundið ástand!

Vikumatseðill

Mánudagur: Mexíkófiskur

Þriðjudagur: Nautahakks- og makkarónupanna

Miðvikudagur: Pylsugratín með kartöflumús

Fimmtudagur: Pasta í rjómasósu með beikoni og sveppum

Föstudagur: Tælenskur kjúklingur með kókos

Með helgarkaffinu: Bananakaka með súkkulaðikremi

Ég las í morgunn að það væru minna en 100 dagar til jóla. Það þóttu mér góð tíðindi enda fyrir löngu farin að hlakka til jólanna og meira að segja hefur eitt og eitt jólalag heyrst hér á heimilinu upp á síðkastið (sem er allt of snemmt, ég veit!). En tíminn er fljótur að líða og eftir tvo mánuði verða aðventuljósin dregin fram, smákökurnar bakaðar og jólalögin fá að njóta sín. Það sem ég hlakka til!

Planið fyrir daginn var að fara í góðan göngutúr, gera vikuinnkaup, grilla kjúkling og fara í bíó en þegar ég var að borða morgunmatinn fékk ég tak í bakið sem virðist ekki ætla að gefa sig. Ég eyddi því deginum í að dunda mér við að gera vikumatseðil og plana komandi viku. Ísskápurinn er tómur og ég hef ekki farið út fyrir húsins dyr í allan dag en kjúklingurinn skal á grillið og vikumatseðillinn er klár!

Vikumatseðill

Mánudagur: Einfalt fiskgratín með sveppum

Þriðjudagur: Spaghetti bolognese

Miðvikudagur: Gúllassúpa með nautahakki

Fimmtudagur: Tortellini í pestósósu

Föstudagur: Kjúklingaborgari með alls konar góðgæti

Með helgarkaffinu: Skúffukaka

Ég og strákarnir skutumst í Hagkaup í seinnipartinn í gær eftir smá laugardagsnammi. Yfirleitt enda slíkar ferðir í vitleysu og þegar í búðina er komið þykir mér ekkert eðlilegra en að kaupa sælgæti í kílóavís, snakk, ídýfu og gos. Í gær tók ferðin þó óvænta stefnu þegar ég rak augun í múslí og granóla frá sænska Paulúns. Ég get orðið svo glöð yfir nýjungum í matvörubúðunum og þegar nýjungarnar eru sænskar æsist ég öll upp í nostalgíukasti. Þannig að í staðin fyrir að fylla körfuna af sælgæti og snakki gengum við út með múslí, granóla, ab-mjólk, banana. Strákarnir fengu smá nammi sem ég síðan endaði á að borða frá þeim. Nú vona ég bara að ég eigi eftir að sjá fleiri vörur frá Paulúns í hillunum, supermixið stendur efst á óskalistanum mínum.

Vikumatseðill

Mánudagur: Þorskur í ljúffengri karrýsósu

Þriðjudagur: Kjötbollur með mozzarella og basiliku

Miðvikudagur: Mögulega besta tómatsúpa í heimi

Fimmtudagur: Pasta með beikoni, sveppum og sólþurrkuðum tómötum

Föstudagur: Carnito taco

Með helgarkaffinu: Möndlukaka

Þessi helgi hefur verið svo ljúf og góð. Á föstudagskvöldinu fóru krakkarnir á Justin Bieber tónleikana og á meðan átti ég mjög rólegt kvöld hér heima. Ég dundaði mér í eldhúsinu við að baka köku á milli þess sem ég horfði með öðru auganu á The Voice. Eftir að hafa sofið út í gær fórum við í smá rúnt niður í bæ, kíktum í Epal og borðuðum á Jómfrúnni. Kvöldinu eyddum við síðan með vinafólki yfir sushi og hvítu. Nú bíða hins vegar vikuinnkaup og göngutúr. En áður en ég kem mér út má ég til með að birta enn eina hugmyndina að vikumatseðli.

Vikumatseðill

Mánudagur: Mexíkófiskur

Þriðjudagur: Pestóbaka með bökuðu grænmeti

Miðvikudagur: Pulsu- og makkarónuskúffa

Fimmtudagur: Súpergott tacogratín

Föstudagur: Tígrisrækjur með tælensku ívafi

Með helgarkaffinu: Hnetusmjörs- og súkkulaðivöfflur með bananarjóma